ସୋନପୁର: ସୋନପୁର-ବିନିକା ରାସ୍ତାରେ ନବନିର୍ମିତ ଜିଲ୍ଲା ମୁଖ୍ୟ ଚିକିତ୍ସାଳୟ ନିକଟରେ ବୁଧବାର ଅପରାହ୍ନରେ ଏକ ବାଇକ ଦୁର୍ଘଟଣାରେ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ରାମପୁର ଥାନା ନାଇକେନପାଲି ଗାଁର ଦ୍ବିତୀୟା ମହାନନ୍ଦ (୭୦)।

Advertisment

ସୂଚନା ଅନୁସାରେ ଦ୍ବିତୀୟା ସୋନପୁରକୁ କୌଣସି କାମରେ ଆସି ଘରକୁ ବାଇକ୍‌ରେ ଫେରୁଥିବା ବେଳେ ନୂତନ ଜିଲ୍ଲା ମୁଖ୍ୟ ଚିକିତ୍ସାଳୟ ନିକଟରେ ଭାରସାମ୍ୟ ହରାଇ ପ୍ରଥମେ ଏକ ବଳଦ ସହ ବାଡ଼େଇ ହେବା ପରେ ଗୋଟିଏ ବିଦ୍ୟୁତ୍‌ ଖୁଣ୍ଟରେ ପିଟି ହୋଇଥିଲେ। ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ସୋନପୁର ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।