ମାଲକାନଗିରି: ନକଲି ବନ୍ଧୁକ ଦେଖାଇ ଡକାୟତି କରୁଥିବା ଗ୍ୟାଙ୍ଗର ୭ ଜଣ ଡକାୟତଙ୍କୁ ମାଲକାନଗିରି ପୁଲିସ ଗିରଫ କରିଛି। ଏହି ଗ୍ୟାଙ୍ଗ ନିକଟରୁ ପୁଲିସ ୨୫ଟି ଚୋରି ସାମଗ୍ରୀ ଜବତ କରିଛି। ମାଲକାନଗିରି ଏସ୍‌ପି ଋଷିକେଶ ଖିଲାରି ଶୁକ୍ରବାର ଏସ୍‌ପି କାର୍ଯ୍ୟାଳୟରେ ଏହି ସୂଚନା ଦେଇଛନ୍ତି। ସେ କହିଛନ୍ତି, ଭୌରବ ମନ୍ଦିର ନିକଟରେ ଡକାୟତ ଗ୍ୟାଙ୍ଗ ଏକ ବଡ଼ ଧରଣର ଡକାୟତି ପାଇଁ ଯୋଜନା କରୁଥିବା ବେଳେ ପୁଲିସକୁ ସୂଚନା ମିଳିଥିଲା। ମାଲକାନଗିରି ଥାନା ଆଇଆଇସି ରାମଚନ୍ଦ୍ର ନାଗଙ୍କ ନେତୃତ୍ୱରେ ଏକ ଟିମ ଗଠନ କରାଯାଇ ଘଟଣାସ୍ଥଳରେ ଅଚାନକ ଚଢ଼ାଉ କରାଯାଇଥିଲା।

Advertisment

ପୁଲିସ କହିଛି, ଗିରଫ ଅଭିଯୁକ୍ତମାନେ ହେଲେ ରିକ୍ଳାଏମେସନ କଲୋନିର ତପନ ଦେବନାଥଙ୍କ ପୁଅ ଜଗନ୍ନାଥ ଦେବନାଥ (୨୫), ପୁରୁଣା ମେଡିକାଲ କଲୋନିର ସ୍ୱର୍ଗତ ନାରାୟଣ ଗାଏନଙ୍କ ପୁଅ ରାଜୁ (୨୨), ଏମ୍‌.ଭି-୪୫ର ପ୍ରତାପ ମଇତ୍ରଙ୍କ ପୁଅ ରାହୁଲ ମଇତ୍ର (୧୯), ଅଜିତ ମଣ୍ଡଳଙ୍କ ପୁଅ ଝନ୍ତୁଲାଲ ମଣ୍ଡଳ (୨୦), ଶିକ୍ଷା କଲୋନିର ଶଦାସିବ ପରିଡ଼ାଙ୍କ ପୁଅ ସୌମ୍ୟ ରଂଜନ ପରିଡା (୧୮) ଗିରଫ ହୋଇଛନ୍ତି। ଡକାୟତି ଗ୍ୟାଙ୍ଗରେ ୨ ଜଣ ନାବାଳକ ସାମିଲ ଥିଲେ।