ପୁରୀ: ସ୍ଥାନୀୟ ବାଲିଆପଣ୍ଡା ଅଂଚଳରେ ଏକ ସେକ୍ସ ରାକେଟ ଠାବ ହୋଇଛି । ସେକ୍ସ ରାକେଟ ସହ ଜଡ଼ିତ ୩ ଅଭିଯୁକ୍ତଙ୍କୁ ଗିରଫ କରିବା ସହ ବାଲିଆପଣ୍ଡା ଥାନା ପୁଲିସ ଆପତ୍ତି ଜନକ ସାମଗ୍ରୀ ଜବତ କରିଛି । ଗିରଫ ଅଭିଯୁକ୍ତମାନେ ହେଲେ ଚିନ୍ମୟ ସ୍ୱରୂପ ପଣ୍ଡା, ଚିନ୍ମୟ ରଂଜନ ରାଉତ ଓ ସୁନୀଲ କୁମାର ସାମଲ । କିନ୍ତୁ ପୁଲିସ ଆଖିରୁ ଜଣେ ଅଭିଯୁକ୍ତ ଖସିଯାଇଛି । ଚଢ଼ାଉ ସମୟରେ ପୁଲିସ ୨ ଜଣ ଯୁବତୀଙ୍କୁ ମଧ୍ୟ ଉଦ୍ଧାର କରିଛି । ତେବେ ଚିନ୍ମୟ ପଣ୍ଡା ଓ ଚିନ୍ମୟ ରାଉତ ସେକ୍ସ ରାକେଟରେ ସଂପୃକ୍ତ ଥିବା ବେଳେ ସୁନୀଲ ଓ ଫେରାର ଅଭିଯୁକ୍ତ ଏ ବିଷୟରେ ସବୁ ଜାଣିଥିବାରୁ ସେମାନଙ୍କ ଠାରୁ ବଡ଼ ରକମର ଟଙ୍କା ଦାବି କରି ଧମକ ଦେଇଥିଲେ । ଏହି ୨ ଦଳ ମଧ୍ୟରେ ଯୁକ୍ତିତର୍କ ହେବା ସମୟରେ ପୁଲିସ ଘଟଣାସ୍ଥଳକୁ ପହଂଚିଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବାଲିଆପଣ୍ଡା ଅଂଚଳରେ ଥିବା କ୍ରିଷ୍ଣା ସି ସାଇଟ ଆପାର୍ଟମେଣ୍ଟର ୧୦ ନମ୍ବର ବ୍ଲକର ୧୦୩ ନମ୍ବର ରୁମରେ ସେକ୍ସ ରାକେଟ ଚାଲିଥିଲା । ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅଂଚଳର ଜଣେ ୨୧ ବର୍ଷୀୟ ଯୁବତୀ ଏ ବାବଦରେ ପୁଲିସ ନିକଟରେ ଅଭିଯୋଗ କରିଥିଲେ ।
ପୁଲିସ ଘଟଣାସ୍ଥଳରେ ପହଞ୍ଚି ଯାଜପୁର ରୋଡ ଥାନା ଅଂଚଳର ଚିନ୍ମୟ ସ୍ୱରୂପ ପଣ୍ଡା, ପାଣିକୋଇଲି ଥାନା ଅନ୍ତର୍ଗତ ପାଣିକୋଇଲି ଗାଁର ଚିନ୍ମୟ ରଂଜନ ରାଉତ ଓ ଯାଜପୁର ଜିଲ୍ଲା ବାଲିଚନ୍ଦ୍ରପୁର ଅଂଚଳର ରାମପୁର ଗାଁର ଅଭିଯୁକ୍ତ ସୁନୀଲ କୁମାର ସାମଲ ମଧ୍ୟ ଗିରଫ କରିଥିବା ବେଳେ ଜଣେ ଖସିଯାଇଛି । ଉଦ୍ଧାର ହୋଇଥିବା ଯୁବତୀମାନେ ଖୋର୍ଦ୍ଧା ଜିଲ୍ଲାର ବୋଲି ଜଣାଯାଇଛି । ସେମାନେ ଦଲାଲଙ୍କ ମାଧ୍ୟମରେ ପୁରୀକୁ ଆସି ଦେହ ବ୍ୟବସାୟରେ ଲିପ୍ତ ଥିଲେ ବୋଲି ପୁଲିସ ଜାଣିବାକୁ ପାଇଛି । ଚଢ଼ାଉ ସମୟରେ ଏକ ସ୍କର୍ପିଓ, ୨ଟି ବ୍ୟବହୃତ ଓ ୪ଟି ଅବ୍ୟବହୃତ ଗର୍ଭନିରୋଧକ, ଔଷଧ, ନଗଦ ୪ ହଜାର ୨୦୦ ଟଙ୍କା ଜବତ ହୋଇଛି । ଏସଂକ୍ରାନ୍ତରେ ଦୁଇଟି ମାମଲା ରୁଜୁ କରି ପୁଲିସ ଘଟଣାର ତଦନ୍ତ କରୁଛି ।