ଭଦ୍ରକ: ଭଦ୍ରକ ସହରରେ କେତେକ ଦୋକାନ ଓ ମଲ୍ ସରକାରୀ ନିୟମକୁ ଉଲଂଘନ କରି ରଜ ବ୍ୟବସାୟ କରୁଥିବା ବେଳେ ୫ଟି ଏନଫୋର୍ସମେଣ୍ଟ ଟିମ୍ ଓ ପୁଲିସ ମିଳିତ ଭାବେ ଚଢ଼ାଉ କରିଛି। ଏହି ଚଢ଼ାଉ ସମୟରେ ଦୋକାନ ଓ ମଲ୍ ଭିତରୁ ଗ୍ରାହକଙ୍କୁ ବାହାର କରି ଦୋକାନଗୁଡିକୁ ପ୍ରଶାସନ ସିଲ୍ କରି ଦେଇଛି।
Sambad is now on WhatsApp
Join and get latest news updates delivered to you via WhatsApp
ମେଡିକାଲ ଛକରେ ଥିବା ଏମ ବଜାର, ବାଇପାସରେ ଥିବା ରିଲାଏନ୍ସ ସ୍ମାର୍ଟକୁ ପ୍ରଶାସନ ସିଲ୍ କରିବା ସହିତ କଚେରୀ ବଜାର ଓ ଅନ୍ୟ ବଜାର ଉପରେ ଚଢ଼ାଉ ଜାରି ରହିଛି। ସରକାରୀ ନିୟମକୁ ଉଲଂଘନ କରିଥିବା ଆହୁରି ଅଧିକ ଦୋକାନକୁ ସିଲ୍ କରାଯିବା ନେଇ ଉପଜିଲ୍ଲାପାଳ ସୂଚନା ଦେଇଛନ୍ତି । ଏଥିସହିତ ଜିଲ୍ଲାର ବିଭିନ୍ନ ବ୍ଲକରେ ମଧ୍ୟ ଏହି ଚଢାଉ ଜାରି ରହିଛି। ଉପଜିଲ୍ଲାପାଳ ପୀତାମ୍ବର ସାମଲ , ଭଦ୍ରକ ତହସିଲଦାର ବିକାଶ ଜ୍ୟୋତି ଦାସ ଓ ଏସଡିପିଓ ସୁନୀଲ ନନ୍ଦଙ୍କ ନେତୃତ୍ୱରେ ଚଢ଼ାଉ କରାଯାଇଥିଲା ।
ଭଦ୍ରକରେ ସିଲ୍ ହୋଇଥିବା ମଲ୍ ଓ ଦୋକାନରେ ରଜ ପାଇଁ ଲୋକମାନେ ସରକାରଙ୍କ କୌଣସି କଟକଣାକୁ ମାନି ନଥିଲେ। ଅନେକ ଲୋକ ମାସ୍କ ନପିନ୍ଧିବା ସହିତ ସାମାଜିକ ଦୂରତା ନିୟମକୁ ଫୁ କରିଦେଇଥିଲେ। କେବଳ ଗ୍ରାହକ ନୁହେଁ ଦୋକାନ ଓ ମଲ୍ଗୁଡିକ ମଧ୍ୟ ରଜ ବ୍ୟବସାୟ ପାଇଁ ଗ୍ରାହକଙ୍କ ଭିଡ଼ ଉପରେ କୌଣସି ପ୍ରକାର ଧ୍ୟାନ ଦେଇ ନଥିଲେ।