ସଟ୍ଡାଉନ୍ରେ କଟକଣା କଡ଼ାକଡ଼ି, ଲମ୍ବା ଲାଇନରେ ଫାଇନ ଭରିଲେ
ବଲାଙ୍ଗୀର: କରୋନା ସଂକ୍ରମଣ ରୋକିବାକୁ ସପ୍ତାହକୁ ପାଞ୍ଚ ଦିନ ଲକ୍ଡାଉନ୍ ଓ ଦୁଇଦିନ ସଟ୍ଡାଉନ୍ ଘୋଷଣା କରିଛନ୍ତି। ତଥାପି ଏହାକୁ ବହୁଲୋକ ମାନୁ ନଥିବା ଲକ୍ଷ୍ୟ କରାଯାଇଛି।
ଅତ୍ୟାବଶ୍ୟକ ସାମଗ୍ରୀ ପାଇଁ ସପ୍ତାହକୁ ପାଞ୍ଚଦିନ ସକାଳରୁ ଦିନ ୧୧ଟା ଯାଏ ଦୋକାନ ଓ ପନିପରିବା ମାର୍କେଟ ଖୋଲାରହୁଛି। ଦୁଇଦିନ ପୂରା ସଟ୍ଡାଉନ୍ ରହୁଛି। ହେଲେ ଲୋକେ ବିନା କାମରେ ଘରୁ ବାହାରି ବୁଲୁଛନ୍ତି। ବଲାଙ୍ଗୀର ସହର କଚେରି ଛକଠାରେ ପୁଲିସ ଯାଞ୍ଚ ଚଳାଇଥିଲା। ଦୁଇଚକିଆ ଓ ଚାରିଚକିଆ ଯାନବାହନକୁ ଅଟକାଇ ପଚରା ଉଚୁରା କରାଯାଉଥିଲା। କିଏ ବାହାଘର ତ ଆଉ କିଏ ହସପିଟାଲ ବହାନା ଖୋଜି ବୁଲୁଥିଲେ। ଏଣୁ ଆମାନିଆମାନଙ୍କଠୁ ଫାଇନ ମଧ୍ୟ ଆଦାୟ କରାଯାଉଥିଲା। ଲମ୍ବା ଲାଇନରେ ଚାରିଚକିଆ ଗାଡ଼ିମାନ ଛିଡ଼ା ହୋଇଥିବା ବେଳେ ଜଣେ ପରେ ଜଣେ ଫାଇନ ଦେଉଥିଲେ। ହଜାର ହଜାର ଟଙ୍କାର ଫାଇନ ଆଦାୟ କରିଥିଲା ପୁଲିସ।
