ଜୟପୁର: ଜୟପୁର ବ୍ଲକର ଗଡ଼ପଦର ପଂଚାୟତରୁ ଆଜି ଠାରୁ ଆରମ୍ଭ ହୋଇଛି “ଶିଶୁ ସମ୍ପର୍କ ଯାତ୍ରା” । ଏହି କାର୍ଯ୍ୟକ୍ରମକୁ ଶିଶୁ ମଙ୍ଗଳ ସମିତି, କୋରାପୁଟ ଓ ଚାଇଲଡ଼୍ ପଣ୍ଡ ଇଣ୍ଡିଆ ମିଳିତ ଅନୁକୂଲ୍ୟରେ କରାଯାଉଛି। ଏଥିରେ ଜିଲ୍ଲା ଶିଶୁ ମଙ୍ଗଳ ସମିତିର ଅଧ୍ୟକ୍ଷା ଡ.ଗାୟତ୍ରୀ ଦେବୀ ଯୋଗ ଦେଇ ଆଜିର ଶିଶୁ ଆସନ୍ତାକାଲିର ଭବିଷ୍ୟତ ବୋଲି କହିବା ସହ ଶିଶୁ ଅଧିକାର, ଶିଶୁ ମାନଙ୍କ ପାଇଁ ରହିଥିବା ଆଇନ ଓ ସରକାରୀ ନିୟମ , ସହଯୋଗ ସଂପର୍କରେ ଆଲୋକପାତ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏଥିରେ ଅନ୍ୟମାନଙ୍କ ମଧ୍ୟରେ ସମିତିର ସଭ୍ୟ ଧର୍ମେନ୍ଦ୍ର ଜେନା, ସରପଂଚ, ସମିତିସଭ୍ୟ, ପିଇଓ ,ଚାଇଲଡ୍ ଇଣ୍ଡିଆର ସଚ୍ଚିଦା ମହାନ୍ତି, ପୁର୍ଣ୍ଣିମା ଦାଶ ପ୍ରମୁଖ ଯୋଗ ଦେଇଥିଲେ। ଶେଷରେ ସମସ୍ତେ ମିଶି ମାନବଶୃଙ୍ଖଳ ମାଧ୍ୟମ ରେ ଶିଶୁ ର ସୁରକ୍ଷା ଯୋଗାଇବା ପାଇଁ ଶପଥ ପାଠ କରିଥିଲେ। ଗ୍ରାମ, ପଂଚାୟତ ଓ ବ୍ଲକ ସ୍ତର ଶିଶୁ ସୁରକ୍ଷା ସମିତି ଗୁଡିକକୁ ସୁଦୃଢ଼ କରି ଶିଶୁମାନଙ୍କର ଅଧିକାର କେମିତି ଶିଶୁ ମାନଙ୍କ ପାଖରେ ପହଞ୍ଚାଇ ପାରିବା ହେଉଛି ଏହି କାର୍ଯ୍ୟକ୍ରମ ର ମୂଳ ଉଦେଶ୍ୟ। ଆଗାମୀ ଦିନରେ ଜୟପୁର, କୋରାପୁଟ ଓ ଲମତାପୁଟ ବ୍ଲକର ବିଭିନ୍ନ ପଂଚାୟତରେ ଫେବୃଆରୀ ଶେଷ ସପ୍ତାହ ସୁଦ୍ଧା ଏହି ପରି କାର୍ଯ୍ୟକ୍ରମ କରାଯାଇ ଜନସଚେତନତା ସୃଷ୍ଟି କରାଯିବ ବୋଲି କହିଛନ୍ତି ସମିତିର ଅଧ୍ୟକ୍ଷା।