ଖୋର୍ଦ୍ଧା : ବେଆଇନ ଲଘୁ ଖଣିଜଦ୍ରବ୍ୟ ଖନନ ଓ ଚାଲାଣ ଘଟଣାରେ ଖୋର୍ଦ୍ଧା ପୁଲିସ ପକ୍ଷରୁ ଆଜି ବିଭିନ୍ନ ସ୍ଥାନରେ ଚଢ଼ଉ କରାଯାଇ ୧୦ଜଣଙ୍କୁ ଗିରଫ କରାଯିବା ସହ ୧୦ରୁ ଅଧିକ ଟ୍ରକ, ଜେସିବି ଆଦି ଜବତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ଖୋର୍ଦ୍ଧା ସଦର ଥାନା ପକ୍ଷରୁ ତାପଙ୍ଗ, ଧଉଳିମୁହଁ, ବଙ୍ଗିଦା, କାଇପଦର ଆଦି ସ୍ଥାନରେ ଚଢ଼ଉ କରାଯାଇ ୬ଟି ଟ୍ରକ୍, ଗୋଟିଏ ଜେସିବି ଜବତ କରାଯିବା ସହ ୭ଜଣଙ୍କୁ ଗିରଫ କରାଯାଇଛି । ଏନେଇ ଥାନା ଅଧିକାରୀ ଅନୀତା ସାହୁ କହିଛନ୍ତି ଯେ ଆଜି ଅପରାହ୍ଣ ଯାଏଁ ୫ଟି ସ୍ଥାନରେ ଚଢ଼ଉ ହୋଇଥିଲା । ଚଢ଼ଉରେ ୪ଟି ଭିନ୍ନ ଭିନ୍ନ ମାମଲା ରୁଜୁ କରାଯାଇଛି । ଏଥିରେ ସମ୍ପୃକ୍ତ ୭ଜଣଙ୍କୁ ଗିରଫ କରାଯିବା ସହ କୋର୍ଟ ଚାଲାଣ କରାଯାଇଛି ।
ସେହିଭଳି ଖୋର୍ଦ୍ଧା ଟାଉନ୍ ଥାନା ଆଦର୍ଶ ଥାନା ପୁଲିସ ପକ୍ଷରୁ ଚଢ଼ଉ କରାଯାଇ ୨ଟି ଟ୍ରାକ୍ଟର ସମେତ ୩ଜଣକୁ ଗିରଫ କରାଯାଇଛି । ନାଲିପଡ଼ା ଅର୍ଜୁନପୁର ପଂଚାୟତର ସରଧାପୁର ଠାରେ ଥିବା ଏକ ଲଙ୍କା ଆମ୍ବ ପଡ଼ିଆ ଭିତରେ ବେଆଇନ ଖଣିରୁ ମାଙ୍କଡ଼ା ପଥର ଚାଲଣ କରୁଥିବା ପୁଲିସ ଖବର ପାଇଥିଲା । ଘଟଣାସ୍ଥଳରେ ଏସଡିପିଓ ସୁଶୀଲ କୁମାର ମିଶ୍ରଙ୍କ ନେତୃତ୍ୱରେ ଏକ ପୁଲିସ ଟିମ ଚଢ଼ଉ କରିଥିଲା । ଦୁଇ ଗୋଟି ନମ୍ବର ବିହିନ ପଥର ବୋଝେଇ ଟ୍ରାକ୍ଟରକୁ ଜବତ କରିବା ସହ ୩ ଟ୍ରାକ୍ଟର ଡ଼ାଇଭରଙ୍କୁ ଗରିଫ କରିଥିଲେ । ଗିରଫ ବ୍ୟକ୍ତିମାନେ ହେଲେ ଜରିପୁଟ ଗ୍ରାମର ଲିଟୁ ନାୟକ (୨୫), ଭାଲିଆବାଡ଼ି ଗ୍ରାମର ପବିତ୍ର ବେହେରା (୩୯) ଓ ଶ୍ରୀରାମନଗରର ଚନ୍ଦ୍ରଶେଖର ସାମଲ (୪୦) । ଏନେଇ ୯୨/୨୧ରେ ଏକ ମାମଲା ରୁଜ୍ଜୁ କରାଯାଇ ଅଭିଯୁକ୍ତକୁ କୋର୍ଟ ଚାଲଣ କରାଯାଇଛି ।