ବାମରା, ବାଗଡିହ ଷ୍ଟେସନରେ ଅଟକିବ ତିନି ସ୍ବତନ୍ତ୍ର ଟ୍ରେନ
ରାଉରକେଲା: ପଶ୍ଚିମ ଓଡ଼ିଶାବାସୀଙ୍କ ଦୀର୍ଘ ଦିନର ଦାବି ପୂରଣ ହୋଇଛି। ଯାତ୍ରୀଙ୍କ ସୁବିଧା ଦୃଷ୍ଟିରୁ ବାମରା, ବାଗଡିହରେ ତିନିଟି ସ୍ବତନ୍ତ୍ର ଟ୍ରେନ୍ ଅଟକିବ ବୋଲି ଦକ୍ଷିଣପୂର୍ବ ରେଳବାଇ ପକ୍ଷରୁ ସୂଚନା ଦିଆଯାଇଛି। ହାୱଡା-ଅହମ୍ମଦାବାଦ୍ ସ୍ବତନ୍ତ୍ର (୦୨୮୩୪), ରାଉରକେଲା -ଭୁବନେଶ୍ବର ସ୍ବତନ୍ତ୍ର (୦୩୨୮୮) ବାମରା ଷ୍ଟେସନରେ ଅଟକିବ। ସେମିତି ରାଜେନ୍ଦ୍ରନଗର-ଦୁର୍ଗ ସ୍ବତନ୍ତ୍ର ଉଭୟ ବାମରା ଓ ବାଗଡିହ ଷ୍ଟେସନରେ ଆସନ୍ତା ୩୧ ଅଗଷ୍ଟ ପର୍ଯ୍ୟନ୍ତ ରହିବ। ପ୍ରାଥମିକ ପର୍ଯ୍ୟାୟରେ ପରୀକ୍ଷାମୂଳକ ଭାବେ ରହିବାକୁ ଦକ୍ଷିଣପୂର୍ବ ରେଳବାଇ ପକ୍ଷରୁ ନିଷ୍ପତ୍ତି ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ପରବର୍ତ୍ତୀ ସମୟରେ ଦୈନିକ ଏହି ତିନିଟି ଟ୍ରେନ ରହିବ ବୋଲି ଜଣାପଡିଛି। ହାୱଡା- ଅହମ୍ମଦାବାଦ୍ ସ୍ବତନ୍ତ୍ର ପ୍ରତ୍ୟେହ ସକାଳ ୬ଟା ୪୫ ମିନିଟ୍ରେ ବାମରା ଷ୍ଟେସନରେ ପହଞ୍ଚିବ। ୧୦ ମିନିଟ୍ ରହଣି ପରେ ୬ଟା ୫୫ ମିନିଟ୍ରେ ଛାଡିବ। ସେମିତି ଅହମ୍ମଦାବାଦ- ହାୱଡା ସ୍ବତନ୍ତ୍ର ୫ଟା ୫୪ ମିନିଟ୍ରେ ବାମରା ଷ୍ଟେସନରେ ପହଞ୍ଚିବ। ୧ ମିନିଟ୍ ପରେ ଅର୍ଥାତ୍ ୫ଟା ୫୫ ମିନିଟ୍ରେ ଛାଡିବ। ରାଉରକେଲା- ଭୁବନେଶ୍ବର ସ୍ବତନ୍ତ୍ର ଟ୍ରେନ୍ ସକାଳ ୬ଟା ୧୧ ମିନିଟ୍ରେ ବାମରାରେ ପହଞ୍ଚିବ। ୬ଟା ୧୨ ମିନିଟ୍ରେ ଛାଡିବ। ସେମିତି ଭୁବନେଶ୍ବର- ରାଉରକେଲା ସ୍ବତନ୍ତ୍ର ରାତି ୮ଟା ୧ ମିନିଟ୍ରେ ବାମରା ଷ୍ଟେସନରେ ପହଞ୍ଚିବ। ୮ଟା ୨ ମିନିଟ୍ରେ ଛାଡିବ। ରାଜେନ୍ଦ୍ରନଗର-ଦୁର୍ଗ ସ୍ବତନ୍ତ୍ର ୧୨ଟା ୯ ମିନିଟ୍ରେ ବାମରା, ୧୨ଟା ୨୦ ମିନିଟ୍ରେ ବାଗଡେହ ଷ୍ଟେସନରେ ପହଞ୍ଚି । ୧୨ଟା ୧୦ ମିନିଟ୍ରେ ବାମରା ଓ ୧୨ଟା ୨୧ ମିନିଟ୍ରେ ବାଗଡିହ ଷ୍ଟେସନ ଛାଡିବ। ଦୁର୍ଗ- ରାଜେନ୍ଦ୍ରନଗର ସ୍ବତନ୍ତ୍ର ବାଗଡେହରେ ୧ଟା ୫୭ ମିନିଟ୍ ଓ ବାମରାରେ ୨ଟା ୮ ମିନିଟ୍ରେ ପହଞ୍ଚିବ। ୧ଟା ୫୮ ମିନିଟ୍ରେ ବାମରା, ୨ଟା ୯ ମିନିଟ୍ରେ ବାଗଡିହ ଷ୍ଟେସନ ଛାଡିବ।