ରାତି ଅଧିଆ ଗେଟ୍ ଡେଇଁ ବାଇକରୁ ପେଟ୍ରୋଲ ଚୋରି ଅଭିଯୋଗ

ଜୟପୁର: ଗତ କିଛି ଦିନ ହେବ ଜୟପୁର ପୌରପାଳିକାର ପାରାବେଡ଼ା, ଶ୍ରୀରାମ ନଗର, ସନ୍ତୋଷୀ ମା ନଗର, ଝାଙ୍କରଦେଇ ମନ୍ଦିରର ପ୍ରଥମ ଓ ଦ୍ବିତୀୟ ଗଳିରେ ଘର ପରିସରରେ ଥିବା ବାଇକରୁ ପେଟ୍ରୋଲ ଚୋରି ଜାରି ରହିଛି। ଏ ନେଇ ପାରାବେଡ଼ାର ପ୍ରଶାନ୍ତ ଶତପଥୀ ପୁଲିସ ନିକଟରେ ଅଭିଯୋଗ କରିଥିଲେ। ସୂଚନା ଅନୁଯାୟୀ, ଗତ କିଛି ଦିନ ହେବ ଅର୍ଦ୍ଧରାତ୍ର ୨ଟାରୁ ୩ଟା ମଧ୍ୟରେ କିଛି ଚୋର ପାରାବେଡ଼ା, ଶ୍ରୀରାମ ନଗର, ସନ୍ତୋଷୀ ମା ନଗର, ଝାଙ୍କରଦେଇ ମନ୍ଦିରର ପ୍ରଥମ ଓ ଦ୍ବିତୀୟ ଗଳିରେ ବୁଲି ପାଚେରୀ ଓ ଗେଟ୍ ଡେଇଁ ବାଇକଗୁଡିକରୁ ପେଟ୍ରୋଲ ଚୋରି କରୁଛନ୍ତି।

ଏଭଳି ଚୋରି କରୁଥିବା ଶ୍ରୀରାମ ନଗରର ପ୍ରଶାନ୍ତ ଶତପଥୀଙ୍କ ଘରେ ଲାଗିଥିବା ସିସିଟିଭି କ୍ୟାମେରାରେ କଏଦ ବି ହୋଇଛି। ପୁଲିସ ଏ ସବୁ ଅଂଚଳରେ ପାଟ୍ରୋଲିଂ ବଢ଼ାଇବାକୁ ସାହିବାସିନ୍ଦାମାନେ ଦାବି କରିଛନ୍ତି।