ସୁନ୍ଦରଗଡ଼ : ଭାରତ ସରକାରଙ୍କ ଜାତୀୟ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ପରିଷଦ ପକ୍ଷରୁ ଡିସେମ୍ବର ୨୭ରୁ ହେବାକୁ ଥିବା ଶିଶୁ ବିଜ୍ଞାନ କଂଗ୍ରେସରେ ସୁନ୍ଦରଗଡ଼ ପବ୍ଲିକ ସ୍କୁଲର ଛାତ୍ରୀ ଆଶୁ ପଟେଲ ଓ ସହଯୋଗୀ ଦେବାଶିଷ ଦ୍ବାରୀଙ୍କ ପ୍ରସ୍ତୁତ ପ୍ରକଳ୍ପ ‘ବହୁ ଉପଯୋଗୀ ଉପକରଣ’ ସ୍ଥାନ ପାଇଛି। ଶିକ୍ଷକ ଅଶୋକ କୁମାର ପରିଡ଼ାଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ପ୍ରସ୍ତୁତ ଏହିା ପ୍ରକଳ୍ପ ସର୍ବଶ୍ରେଷ୍ଠ ଅଂଶଗ୍ରହଣକାରୀ ଭାବେ ରାଜ୍ୟସ୍ତରରେ ପୁରସ୍କୃତ ହୋଇ ଜାତୀୟସ୍ତରକୁ ମନୋନୀତ ହୋଇଥିବାରୁ ଛାତ୍ରଛାତ୍ରୀ ଓ ଶିକ୍ଷକ ମହଲରେ ବେଶ ଉତ୍ସାହ ପ୍ରକାଶ ପାଇଛି। ଉପକରଣଟି ଆମ କୃଷକ ବନ୍ଧୁଙ୍କ ପାଇଁ ଅତି କମ୍ ଖର୍ଚ୍ଚ ଓ କମ୍ ସମୟ ମଧ୍ୟରେ ଅଧିକ କାମ କରିପାରିବ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସୁନ୍ଦରଗଡ଼ ପବ୍ଲିକ ସ୍କୁଲର ବିଜ୍ଞାନ ପ୍ରକଳ୍ପ ୨୦୧୬, ୨୦୧୮, ୨୦୧୯ରେ ଜାତୀୟସ୍ତରକୁ ଯିବାର ଗୌରବ ଅର୍ଜନ କରିଥିଲା। ସୁନ୍ଦରଗଡ଼ର ଯୁବ ଆଇନଜୀବୀ ସୁଧିର ପଟେଲ ଓ ରୀନାରାଣୀ ପଟେଲଙ୍କ ଝିଅ ଆଶୁଙ୍କ ଏହି ସଫଳତା ପାଇଁ ସ୍କୁଲ ଅଧ୍ୟକ୍ଷା ହରପ୍ରିୟା ପଟେଲ, ସମ୍ପାଦକ ରାଜକିଶୋର ଷଡ଼ଙ୍ଗୀ ସମେତ ସମସ୍ତ ଶିକ୍ଷକ, ଶିକ୍ଷୟିତ୍ରୀ ଅଭିନନ୍ଦନ ଜଣାଇଛନ୍ତି।