ଭବାନୀପାଟଣା: ଭାରତର ଖ୍ୟାତି ସମ୍ପନ୍ନ ଜବାହାରଲାଲ ନେହେରୁ ବିଶ୍ବବିଦ୍ୟାଳୟ ପ୍ରବେଶିକା ପରୀକ୍ଷା ୨୦୨୦ ରେ କଳାହାଣ୍ଡି ଜିଲ୍ଲା ର ଦୁଇ ଜଣ କୃତିତ୍ବ ହାସଲ କରିଛନ୍ତି । ଭବାନୀପାଟଣା ସରକାରୀ ସ୍ବୟଂଶାସିତ ମହାବିଦ୍ୟାଳୟ ତଥା ବର୍ତ୍ତମାନ ର କଳାହାଣ୍ଡି ବିଶ୍ବବିଦ୍ୟାଳୟ ରୁ ଉଭୟ ସ୍ନାତକ ପାସ କରିଛନ୍ତି । ଜୟପାଟଣା ବ୍ଳକ ଅନ୍ତର୍ଗତ ବଡ ପୁଜାରୀଗୁଡା ର ଭୋଳେଶ୍ବର ନାଏକ ଜେଏନୟୁ ରାଜନୀତି ବିଜ୍ଞାନ ସ୍ନାତକୋତ୍ତର ପ୍ରବେଶିକା ପରୀକ୍ଷା ସର୍ବଭାରତୀୟ ସ୍ତରରେ ଅନୁସୂଚିତ ଜନଜାତିରେ ପ୍ରଥମ ରାଙ୍କ ରଖି ସଫଳତା ପାଇଛନ୍ତି । ସେ ପଶ୍ଚିମ ଛାତ୍ରବାସରେ ରହି ପାଠ ପଢୁଥିଲେ ।
Sambad is now on WhatsApp
Join and get latest news updates delivered to you via WhatsApp
ସେହିପରି କଳାହାଣ୍ଡି ଜିଲ୍ଲାର ଜୁନାଗଡ଼ ବ୍ଳକ ଅନ୍ତର୍ଗତ ପଲାସ ଗ୍ରାମର ଛାତ୍ରୀ ସରୀତା ଦୁର୍ଗା ପଦାର୍ଥ ବିଜ୍ଞାନ ରେ ସର୍ବଭାରତୀୟ ସ୍ତରରେ ୪ ନଂ ରେଙ୍କ ରଖି କୃତିତ୍ବ ହାସଲ କରିଛନ୍ତି । ଗରୀବ ପରିବାର ରୁ ଆସିଥିବା ସରୀତା ମଧ୍ୟ ଭବାନୀପାଟଣା ସରକାରୀ ସ୍ବୟଂଶାସିତ ମହାବିଦ୍ୟାଳୟ ଠାରେ ୨୦୧୯ ମସିହାରେ ପଦାର୍ଥ ବିଜ୍ଞାନରେ ଡିଗ୍ରୀ ହାସଲ କରିଛନ୍ତି । ଉଭୟଙ୍କ ସଫଳତା ପାଇଁ କଳାହାଣ୍ଡି ଜିଲ୍ଲାରେ ଖୁସିର ଲହରୀ ଖେଳିଯାଇଛି । ବିଶ୍ବସ୍ତରୀୟ ଜେଏନୟୁ ବିଶ୍ବବିଦ୍ୟାଳୟରେ ପଢିବାର ସୁଯୋଗ ପାଇଥିବାରୁ ରାଜ୍ୟ ଛାତ୍ର ବିଜେଡି କାର୍ଯ୍ୟକାରୀ ସଭାପତି ଅବିନାଶ ଠାକୁର ଉଭୟଙ୍କ କୃତିତ୍ବ ପାଇଁ ତାଙ୍କୁ ଅଭିନନ୍ଦନ ଜଣାଇଛନ୍ତି ।