ଯାଜପୁର: ସରକାରୀ ଜମିରୁ ଗଛକଟାକୁ କେନ୍ଦ୍ର କରି ଯାଜପୁର ଉପ ଜିଲ୍ଲାପାଳ ଶରତ ଚନ୍ଦ୍ର ମହାପାତ୍ରଙ୍କୁ ବରୀ ତହସିଲ କାର୍ଯ୍ୟାଳୟରେ ତାଲା ପକେଇଲେ ବିଜେପି କର୍ମୀ । ବରୀ ତହସିଲ ଅଧିନ କୁଆଖିଆ-ବରୀ ମୁଖ୍ୟ ରାସ୍ତା ସନ୍ଥନ ଠାରେ ଉଭୟ ପାର୍ଶ୍ବରୁ ବେଆଇନ ଭାବେ ଆକାଶିଆ ଗଛକୁ କାଟି ନେଉଥିଲେ ଦୁବୃର୍ତ୍ତ । ତେବେ ଏନେଇ ସ୍ଥାନୀୟ ଲୋକ ଖବର ଦେବା ପରେ ବରୀ ଅତିରିକ୍ତ ତହସିଲଦାର ଭାନୁମତି ମାଝୀ ପହଂଚି କାଠ ଜବତ କରିଥିଲେ । କିନ୍ତୁ ଆଶ୍ଚର୍ଯ୍ୟର କଥା କାଠକୁ ତହସିଲ ପରିସରରେ ରଖି ଦେଇ ଗାଡି ଓ କାଠ କଟାଳୀକୁ ଛାଡି ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଯାହାକୁ ନେଇ ବିଜେପି ନେତା ବିଶ୍ୱରଂଜନଙ୍କ ନେତୃତ୍ୱରେ ଲୋକେ ଏହାକୁ ବିରୋଧ କରିଥିଲେ । ଖବର ପାଇଁ ଯାଜପୁର ଉପ ଜିଲ୍ଲାପାଳ ଘଟଣାସ୍ଥଳେ ପହଂଚିଥିବା ବେଳେ ବେଆଇନ କାଠ ଚୋରିକୁ ପ୍ରଶାସନ ପ୍ରସୟ ଦେଉଥିବା ଅଭିଯୋଗ ହୋଇଥିଲା । ଏପରିକି ଆଲୋଚନା ବିଫଳ ହେବାକୁ ତହସିଲଦାରଙ୍କୁ କାର୍ଯ୍ୟାଳୟ ଭିତରେ ତାଲା ପକାଇ ବାହାରେ ଧାରଣାରେ ବସିଛନ୍ତି ବିଜେପି କର୍ମୀ । ଖବର ପାଇ ଘଟଣାସ୍ଥଳରେ ଯାଜପୁର ପୁଲିସ ପହଂଚିଥିବା ବେଳେ ବିଜେପି କର୍ମୀ ଧାରଣାରେ ବସି ରହିଛନ୍ତି ।