ବିଜୁବାବୁଙ୍କ ଚିତ୍ର ଥିବା ସମ୍ବଲପୁରୀ ବସ୍ତ୍ର ବୁଣିଲେ ବାନ୍ଧ କଳାକାର ପଞ୍ଚାନନ, ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଦେବେ ଉପହାର
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କେନ୍ଦୁପାଲି ଗ୍ରାମ ସମ୍ବଲପୁରୀ ବସ୍ତ୍ର ଯଥା ଶାଢ଼ୀ , ପାଟଶାଢ଼ୀ,ବମକେଇଶାଢୀ ତଥା ଅନ୍ୟାନ୍ୟ ସୁତା ଓ ପାଟ ସୁତାରେ ବିଭିନ୍ନ ପ୍ରକାରର ଠାରୁ କାର୍ଯ୍ୟ କରି ବେଶ ପ୍ରଶଂସିତ ସୋଇଛନ୍ତି ଏହି ଗ୍ରାମର ବାନ୍ଧ ଓ ବୁଣାକାର । ନିକଟରେ ହିନ୍ଦୀ ଚଳଚ୍ଚିତ୍ର ଜଗତର ପ୍ରଖ୍ୟାତ ଅଭିନେତ୍ରୀ ବିଦ୍ୟାବାଲାନ୍ ଶ୍ରୀଗଣିତ ପାଟଶାଢ଼ୀ ପିନ୍ଧି ଚର୍ଚ୍ଚାର ପରିସରକୁ ଆସିଥିଲେ । ଏହି ଶାଢ଼ୀର ଗ୍ରାଫିକ୍ସ ଏହି କେନ୍ଦୁପାଲି ଗ୍ରାମର ବୃନ୍ଦାବନ ମେହେର କରିଥିବା ବେଳେ ବାନ୍ଧ କାମ କରିଥିଲେ ଗଙ୍ଗାଧର ମେହେର । ଏବେ ପୁଣି ଏହି ଗ୍ରାମର ବିଶିଷ୍ଟ ବାନ୍ଧଶିଳ୍ପୀ ଓ ବୁଣାକାର ପଞ୍ଚାନନ ମେହେର ଚର୍ଚ୍ଚାକୁ ଆସିଛନ୍ତି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୱ।ଲହେଙ୍ଗିଙ୍ଗ (ପରଦା) ନିର୍ମାଣ କରି ।
Sambad is now on WhatsApp
Join and get latest news updates delivered to you via WhatsApp
ପଞ୍ଚାନନ ମେହେର ଆମ ପ୍ରତିନିଧିଙ୍କୁ ଏକ ସାକ୍ଷାତକାରରେ କହିଛନ୍ତି, ଯେତେବେଳେ ପ୍ରାୟ ଆଠମାସ ପୂର୍ବରୁ କରୋନା ପାଇଁ ସରକାର ଲକ୍ ଡାଉନ ଘୋଷଣା କଲେ ବୁଣାକାର ମାନଙ୍କ ମୁଣ୍ଡରେ ଚଡ଼କ ପଡ଼ିଥିଲା । ସୁତା ମିଳିଲା ନାହିଁ କି ଯାହା ଫଳରେ ଲୁଗା ବୁଣିବା ସମ୍ଭବ ହୋଇ ପାରୁନଥିଲା । ଏପରିକି ଯାହା ଲୁଗା ବା ବାନ୍ଧ ବାନ୍ଧି ରଖିଥିଲୁ ତାହ। ମଧ୍ୟ ଆଜି ପର୍ଯ୍ୟନ୍ତ ବିକ୍ରି ହୋଇପାରୁନାହିଁ । ଏଭଳି ସମୟରେ କିଛି ନୁଆ ଜିନିଷ କରିବାର ଚିନ୍ତା କରି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଏକ ଫଟୋଚିତ୍ରକୁ ଦେଖି ପ୍ରଥମେ ଏକ ଗ୍ରାପ୍ କାଟି ତାକୁ ପାଟସୁତାରେ ବାନ୍ଧିବା ସହ ଆଠୋଟି ରଙ୍ଗରେ ରଙ୍ଗ କରି ବୁଣିବା ଆରମ୍ଭ କଲେ ।
ଏହି କାମ କରିବାକୁ ପ୍ରାୟ ଛଅ ମାସ ଲାଗିଥିଲା । ତାଙ୍କର କହିବା କଥା ତାଙ୍କ ବଡପୁଅ କଲେଜ ରେ ପାଠ ପଢୁଥିଲା । ଲକଡାଉନ୍ ଯୋଗୁଁ ପାଠପଢ଼ାର ବନ୍ଦ ରହିଛି । ଏଣୁ ପରିବାର ସମସ୍ତେ ମିଶି ବିଜୁବାବୁଙ୍କ ଏକ ଓ୍ଲାଲହେଙ୍ଗିଙ୍ଗ କରିବା ପାଇଁ ସହମତି ହେଲାପରେ ଏହି କାର୍ଯ୍ୟ ହାତକୁ ନେଇଥିଲୁ ଛଅ ମାସର ପରିଶ୍ରମ କରିଥିଲୁ ସମସ୍ତ ପରିବାର, ମୋ ସ୍ତ୍ରୀ ଭାରତୀ, ଦୁଇ ପୁଅ ଗଣେଶ, ମିଲନ ଓ ଝିଅ ରଚନା। ସମସ୍ତଙ୍କ ପରିଶ୍ରମ ପରେ ଆଜି ଏହି କାମ କରିବାରେ ସଫଳ ହୋଇଛୁ । ଏଥିରେ ବ୍ୟବସାୟିକ ଲାଭ ହେଲାନାହିଁ । ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଏଭଳି ଏକ ୱ।ଲହେଙ୍ଗିଙ୍ଗ କରିଥିବାରୁ ଆମ ପରିବାର ଖୁସି ବୋଲି କହିଛନ୍ତି । ଏବଂ ଏହି ୱ।ଲହେଙ୍ଗିଙ୍ଗକୁ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ସୁପୁତ୍ର ଓଡ଼ିଶାର ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନବୀନ ନିବାସ ଯାଇ ଉପହାର ସ୍ବରୂପ ପ୍ରଦାନ କରିବି ବୋଲି କହିଛନ୍ତି ବାନ୍ଧଶିଳ୍ପୀ ପଞ୍ଚାନନ । ଏଥିପାଇଁ ଦିପାବଳୀ ପରଦିନ ଭୁବନେଶ୍ୱର ଯିବି ବୋଲି ସେ କହିଛନ୍ତି । ତେବେ ମନରେ ଆସଙ୍କା ରହିଛି ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କିଭଳି ଭାବରେ ଭେଟି ପାରିବେ ଓ ତାଙ୍କୁ ଏହି ଉପହାର ପ୍ରଦାନ କରିବେ ।