ସୋନପୁର: ୨ ବାଇକ୍ ଆରୋହୀ ମୃତ

ସୋନପୁର: ସୋନପୁର- ବଲାଙ୍ଗୀର ଜାତୀୟ ରାଜପଥର ସୋନପୁର ଥାନା ଅନ୍ତର୍ଗତ ବଡ଼ଝିଙ୍କି ସହକାରୀ ଉଦ୍ୟାନ କୃଷି ନିର୍ଦ୍ଦେଶକଙ୍କ କାର୍ଯ୍ୟାଳୟ ସମ୍ମୁଖରେ ଏକ ଟ୍ରକ ଓ ବାଇକ ମୁହାଁମୁହିଁ ଧକ୍ମା ହୋଇଥିଲା। ଫଳରେ ବାଇକରେ ଥିବା ବୌଦ୍ଧ ଜିଲ୍ଳା ମନମୁଣ୍ଡା ଥାନା ଅନ୍ତର୍ଗତ ଫଗୁଣାମାଳ ଗ୍ରାମର ରଞ୍ଜିତ ମଲ୍ଳିକ (୩୦) ଓ ପରମେଶ୍ବର ବଘାର(୨୫)ଙ୍କ ମୃତ୍ୟୁ ଘଟିଛି।
ଶୁକ୍ରବାର ସଂଧ୍ୟା ୬ଟାରେ ରଞ୍ଜିତ ଓ ପରମେଶ୍ବର ଏକ ବାଇକ (ଓଡି-୩୧-ଡି-୮୯୧୪)ରେ ବଲାଙ୍ଗୀର ପଟରୁ ଘରକୁ ଫେରୁଥିବା ବେଳେ ସୋନପୁର -ବଲାଙ୍ଗୀର ୫୭ନଂ ଜାତୀୟ ରାଜପଥ ବଡଝିଙ୍କି ସ୍ଥିତ ସହକାରୀ ଉଦ୍ୟାନ ନିର୍ଦ୍ଦେଶକଙ୍କ କାର୍ଯ୍ୟାଳୟ ସମ୍ମୁଖରେ ସୋନପୁର ପଟରୁ ବଲାଙ୍ଗୀରକୁ ଯାଉଥିବା ଏକ ଲୁହା ବୋଝେଇ ଟ୍ରକ (ଓଆର-୧୪-ଡବ୍ଲୁ-୭୨୯୩) ସହିତ ମୁହାଁମୁହିଁ ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ଉଭୟ ବାଇକ ଆରୋହୀଙ୍କ ମୃତ୍ୟୁ ଘଟିଥିଲା। ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଦୁର୍ଘଟଣା ଘଟାଇ କିଛି ବାଟ ଯାଇ ଟ୍ରକ ରଖି ଡ୍ରାଇଭର ଫେରାର ହୋଇଯାଇଛି।