ପାକିସ୍ତାନୀ ଓ ମାଓବାଦୀ କହି ବସ୍ ଭିତରେ ଉନ୍ମତ୍ତ କାଣ୍ଡ, ଦୁଇ ଅଟକ
ବିନିକା: ନିଜକୁ ପାକିସ୍ତାନୀ ଓ ମାଓବାଦୀ କହି ଗୁରୁବାର ସନ୍ଧ୍ୟାରେ ଚଳନ୍ତା ବସ୍ ଭିତରେ ଉନ୍ମତ୍ତ କାଣ୍ଡ କରିବା ଅଭିଯୋଗରେ ପୁଲିସ ୨ ଜଣଙ୍କୁ ଅଟକ ରଖିଛି। ରିପୋର୍ଟ ଅନୁସାରେ ବରଗଡ଼ରୁ ବିନିକା ଦେଇ ଭୁବନେଶ୍ୱର ଯାଉଥିବା ସରକାରୀ ବସ ଭିତରେ ସୋନପୁର-ବିନିକା ମୁଖ୍ୟରାସ୍ତାର ଫୁଲମୁଠି କଡ଼ିପୋଲ ପାଖରେ ଗାଡ଼ିରେ ଯାତ୍ରା କରୁଥିବା ଦୁଇଜଣ ବ୍ୟକ୍ତି ପାକିସ୍ତାନୀ ଶ୍ଲୋଗାନ ଦେଇ ଯାତ୍ରୀଙ୍କୁ ଭୟଭୀତ କରାଇ ଗାଡ଼ିରେ ସାଧାରଣ ଯାତ୍ରୀ ଓ ମହିଳାମାନଙ୍କୁ ଅସଦାଚରଣ କରିଥିଲେ । ଏ ନେଇ ଗାଡ଼ିରେ ତୁମୁଳ କାଣ୍ଡ କରିଥିବା ଦୁଇଜଣଙ୍କୁ ବସ ଭିତରୁ ପୁଲିସ ଉଦ୍ଧାର କରି ବିନିକା ଡ଼ାକ୍ତରଖାନାରେ ଚିକିତ୍ସା କରି ଥାନାରେ ଅଟକ ରଖି ତଦନ୍ତ ଜାରି ରଖିଛିା
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନୀ ଓ ମାଓବାଦୀ ବୋଲାଉଥିବା ତାମିଲନାଡୁର ଦୁଇ ବ୍ୟକ୍ତି ବରଗଡ଼ରୁ ବସରେ ଚଢ଼ି ବୌଦ୍ଧ ଯାତ୍ରା କରୁଥିବା ବସ କର୍ମଚାରୀଙ୍କ ଠାରୁ ଜଣାପଡ଼ିଛି। ସେମାନେ ଗାଡ଼ି ବିନିକା ବସଷ୍ଟାଣ୍ଡ ଛାଡ଼ିଲା ପରେ ଯାତ୍ରୀମାନଙ୍କୁ ଆମେ ମାଓବାଦୀ ଓ ପାକିସ୍ତାନରୁ ଆସିଛୁ କହି ମାଡ଼ ପିଟ କରିବା ସହ ଗାଡ଼ିରେ ବସିଥିବା ମହିଳାଙ୍କୁ ଅସଦାଚରଣ କରିଥିଲେ।
ଏହା ପରେ ଯାତ୍ରୀମାନେ ବସକୁ ବିନିକା ସୋନପୁର ରାସ୍ତା ଫୁଲମୁଠି କଡ଼ିପୋଡ଼ ପାଖରେ ବସ ଅଟକାଇ ଉଭୟଙ୍କୁ କାବୁ କରି ପୁଲିସକୁ ହସ୍ତାନ୍ତର କରିଥିଲେ । ଆହତ ଅଭିଯୁକ୍ତମାନଙ୍କ ପ୍ରାଥମିକ ଚିକିତ୍ସା ପରେ ପୁଲିସ ଅଟକ ରଖି ପଚରାଉଚରା କରୁଛି।