ନିଶିନ୍ତକୋଇଲି: ଅସୁରେଶ୍ୱର ସୁଭଦ୍ରା ମହତାବ ମହାବିଦ୍ୟାଳୟରେ ସୋମବାର ଛାତ୍ର ସଂସଦର ବାର୍ଷିକ ଉତ୍ସବ ପାଳନ ସମୟରେ ଏକ ଅଭାବନୀୟ ଘଟଣା ଦେଖା ଦେଇଛି। ମହାବିଦ୍ୟାଳୟ ଛାତ୍ର ସଂସଦ ଉତ୍ସବରେ ରାଜନେତା ଯୋଗେ ଦେବାକୁ ବିରୋଧ କରି ଛାତ୍ର ସଂସଦର ସହ-ସଂପାଦକ ଆତ୍ମହୂତୀ ଉଦ୍ୟମ କରିଥିଲେ। ପୁଲିସ ସଙ୍ଗେସଙ୍ଗେ ତାଙ୍କୁ କାବୁ କରି ଗିରଫ କରି ନେଇଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ରାଜନେତା ଯୋଗ ଦେଲେ ଆମେ ଆତ୍ମହୂତୀ କରିବୁ ବୋଲି ଛାତ୍ର ସଂସଦର ସଭାପତି ଓ ଉପ- ସଭାପତି ଲିଖିତ ଭାବେ ଜଣାଇଥିଲେ। ଆଜି କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଛାତ୍ର ସଂସଦର ବାର୍ଷିକ ଉତ୍ସବ ଚାଲିଥିଲା। ଏହି ବାର୍ଷିକ ଉତ୍ସବରେ ମୁଖ୍ୟ ଅତିଥି ତଥା ସ୍ୱାସ୍ଥ୍ୟ ଓ ପରିବାରକଲ୍ୟାଣ ତଥା ଆଇନ ମନ୍ତ୍ରୀ ଯୋଗ ଦେଇ ବକ୍ତବ୍ୟ ଦେଉଥିବା ସମୟରେ ମହାବିଦ୍ୟାଳୟର ଗେଟ ନିକଟରେ କିରୋସିନ୍ ଢ଼ାଳି ଛାତ୍ର ସଂସଦର ସହ- ସଂପାଦକ ଅତ୍ୟୁତାନନ୍ଦ ଲେଙ୍କା ଆତ୍ମହୂତୀ ଉଦ୍ୟମ କରିଥିଲେ । ଏହି ସମୟରେ ପୁଲିସ ତାଙ୍କୁ କାବୁ କରି ନେଇଥିଲା।