ବଣାଇ: ବିଦ୍ୟୁତ ଖୁଣ୍ଟକୁ ପିଟିଲା ଟ୍ରକ୍। ବିଦ୍ୟୁତ ଖୁଣ୍ଟ ପଡ଼ି ୨ ନାବାଳକ ଗୁରୁତର। ଏଭଳି ଅଭାବନୀୟ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ବଣାଇ ଥାନାର ଲେଞ୍ଜାଡ଼ିହି ଗ୍ରାମ ନିକଟରେ।
ସୂଚନା ଅନୁଯାୟୀ, ଲେଞ୍ଜାଡ଼ିହିରେ କ୍ରସରରୁ ଗାୟତ୍ରୀ କମ୍ପାନିର ଏକ ମାଲ୍ ବୋଝେଇ ଟ୍ରକ୍ ମୂଷା ପୋଷ ଅଞ୍ଚଳରୁ ଚିପସ ବୋଝେଇ କରି ଯାଉଥିବା ବେଳେ ଲେଞ୍ଜାଡ଼ିହି ନିକଟରେ ଥିବା ବିଦ୍ୟୁତ ଖୁଣ୍ଟକୁ ଧକ୍କା ଦେଇଥିଲା। ଏହାଫଳରେ ସେଠାରେ ଥିବା ଦୁଇ ନାବାଳକଙ୍କ ଉପରେ ବିଦ୍ୟୁତ ଖୁଣ୍ଟ ପଡ଼ିଯିବାରୁ ଦୁଇ ଜଣଙ୍କ ଗୋଡ଼, ହାତ ଜଙ୍ଘରେ ଆଘାତ ହୋଇଥିଲା। ଉଭୟଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ରାଉରକେଲାକୁ ସ୍ଥାନାନ୍ତାରିତ କରାଯାଇଥିବା ବେଳେ ଘଟଣାସ୍ଥଳରେ କ୍ଷତିପୂରଣ ଦାବି କରି ଲୋକେ କମ୍ପାନି ଗାଡ଼ିକୁ ଅଟକାଇଥିବା ଜଣାପଡ଼ିଛି।