ସୁନ୍ଦରଗଡ଼: ଦନ୍ତା ହାତୀ ଆକ୍ରମଣରେ ୫୫ ବର୍ଷୀୟ ବ୍ୟକ୍ତି ମୃତ
ସୁନ୍ଦରଗଡ଼: ଦନ୍ତା ହାତୀ ଆକ୍ରମଣରେ ସୁନ୍ଦରଗଡ଼ ଜିଲ୍ଲା କୁଆରମୁଣ୍ଡା ଫରେଷ୍ଟ ରେଞ୍ଜର ଝରାଦେବନ ଗ୍ରାମରେ ଜଣେ ୫୫ ବର୍ଷୀୟ ବ୍ୟକ୍ତି ପ୍ରାଣ ହରାଇଛନ୍ତି । କଳୁଙ୍ଗା ଫାଣ୍ଡି ଅଧୀନରେ ଥିବା ଏହି ଗ୍ରାମରେ ଗୁରୁବାର ରାତିରେ ପ୍ରବଳ ଥଣ୍ଡା ଯୋଗୁ ଉକ୍ତ ଗ୍ରାମର ପିତୃସ ଏକ୍କା ନାମକ ବ୍ୟକ୍ତି ନିଆଁ ସେକି ହେଉଥିବା ବେଳେ ହାତୀଟି ତାଙ୍କୁ ଟେକିନେଇ ଦଳି ଦେଇଥିଲା । ଗୋଟାଏ ଦଳରେ ୧୫ ଜଣ ହାତୀ ଥିବାବେଳେ ଦନ୍ତା ହାତୀଟି ଗୋଠ ଛଡ଼ା ହୋଇ ନିକଟସ୍ଥ ଗ୍ରାମମାନଙ୍କରେ ବୁଲି ବୁଲି ଆତଙ୍କ ସୃଷ୍ଟି କରୁଥିବା ସୂଚନା ରହିଛି। ବନ ବିଭାଗ କର୍ମଚାରୀମାନେ ଗ୍ରାମରେ ପହଞ୍ଚି ହାତୀ ଘଉଡ଼ାଇବାକୁ ଉଦ୍ୟମ କରୁଛନ୍ତି।