ବାଇକ୍ ଧକ୍କାରେ ଓଲଟିଲା ସ୍କୁଲ ଅଟୋ: ଦୁଇ ଛାତ୍ରଙ୍କ ସମେତ ତିନି ଆହତ

ରାଉରକେଲା: ବାଇକ୍ ଧକ୍କା ଦେବାରୁ ସ୍କୁଲ ଛାତ୍ରଙ୍କୁ ନେଇ ଯାଉଥିବା ଅଟୋ ରାସ୍ତାରେ ଭାରସାମ୍ୟ ହରାଇ ଓଲଟି ପଡ଼ିଥିଲା। ଅଟୋରେ ବସିଥିବା ଦୁଇ ଛାତ୍ରଙ୍କ ସହ ଡ୍ରାଇଭର ଆହତ ହୋଇଛନ୍ତି। ଅନ୍ୟ ପାଞ୍ଚ ଛାତ୍ର ସାମାନ୍ୟ ଆହତ ହୋଇଥିବା ଜଣାପଡ଼ିଛି।

ସମସ୍ତଙ୍କୁ ଚିକିତ୍ସା ପାଇଁ ଆଇଜିଏଚରେ ଭର୍ତ୍ତି କରାଯାଇଛି। ଛାତ୍ରମାନେ ଟ୍ରାଫିକ ଗେଟ ଅଞ୍ଚଳରୁ ସେକ୍ଟର ୧୯ସ୍ଥିତ ସେଣ୍ଟପଲ ସ୍କୁଲକୁ ଯାଉଥିଲେ। ସେକ୍ଟର ୫ ସ୍ଥିତ ଗୁଣ୍ଡିଚା ମନ୍ଦିର ନିକଟରେ ଏହି ଦୁର୍ଘଟଣା ଘଟିଥିଲା। ସେକ୍ଟର ୭ ଥାନା ପୁଲିସ ଦୁର୍ଘଟଣାଗ୍ରସ୍ତ ଡ୍ରାଇଭର ଓ ବାଇକକୁ ଜବତ କରିଛି। ବାଇକ ଚାଳକକୁ ଅଟକ ରଖିଛି ପୁଲିସ।