ରାଉରକେଲା ଷ୍ଟିଲ ଟାଉନସିପର ସେକ୍ଟର-୭ର କେତେକ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଘୋଷିତ କରାଗଲା
ରାଉରକେଲା: ରାଉରକେଲାରେ କୋଭିଡ୍-୧୯ ସଂକ୍ରମଣକୁ ରୋକିବା ପାଇଁ ଷ୍ଟିଲ ଟାଉନସିପ ସେକ୍ଟର-୭ର କେତେକ ଅଞ୍ଚଳକୁ ମାଇକ୍ରୋ କଣ୍ଟେନମେଣ୍ଟ ଘୋଷଣା କରାଯାଇଛି। ସେଗୁଡ଼ିକ ହେଲା: (କ) କ୍ୱାର୍ଟର ନମ୍ବର ଏ/୫୨ରୁ ଏ/୬୮ ଏବଂ ଏ/୬୯ରୁ ଏ/୮୫, (ଖ) କ୍ୱାର୍ଟର ନମ୍ବର ଏ/୧୨୨ରୁ ଏ/୧୩୭ ଏବଂ କ୍ୱାର୍ଟର ନମ୍ବର ଏ/୧୧୨ରୁ ଏ/୧୧୯ ତଥା (ଗ) କ୍ୱାର୍ଟର ନମ୍ବର ବି/୧୧୯ରୁ ବି/୧୨୮ ଏବଂ ବି/୧୨୯ରୁ ବ/୧୩୮।
Sambad is now on WhatsApp
Join and get latest news updates delivered to you via WhatsApp
ଏହି ସବୁ ଅଞ୍ଚଳରେ ଆଜିଠାରୁ ଲୋକଙ୍କ ଯିବା ଆସିବା, ସାଧାରଣ ପରିବହନ ଏବଂ କୌଣସି ବ୍ୟବସାୟିକ କାର୍ଯ୍ୟ ଉପରେ ସମ୍ପୂର୍ଣ୍ଣ କଟକଣା ଲାଗୁ କରାଯାଇଛି। କଣ୍ଟେନମେଣ୍ଟ ପରିଚାଳନା ପାଇଁ ଡେପୁଟି କମିସନର ସୁଧାଂଶୁ କୁମାର ଭୋଇଙ୍କୁ ଦାୟିତ୍ୱ ଦିଆଯାଇଛି। ସେହିପରି ଆରଏମସି ସ୍ୱାସ୍ଥ୍ୟ ଅଧିକାରୀ ସୁଶୀଲ କୁମାର ପରିଡ଼ାଙ୍କୁ (୯୧୭୮୨୭୭୨୭୭) ଲୋକଙ୍କ ସ୍ଵାସ୍ଥ୍ୟ ସମ୍ପର୍କିତ ଆବଶ୍ୟକତା ବୁଝିବା ପାଇଁ ଦାୟିତ୍ୱ ଦିଆଯାଇଛି କଣ୍ଟେନମେଣ୍ଟ ଅଞ୍ଚଳରେ ଥିବା ପରିବାରଗୁଡ଼ିକୁ ଯେପରି ଅତ୍ୟାବଶ୍ୟକ ଜିନିଷ ଯୋଗାଇବାରେ କୌଣସି ଅସୁବିଧା ନହୁଏ ସେଥିଲାଗି ମହାନଗର ନିଗମ ବିଶେଷ ଧ୍ୟାନ ଦେଉଛି। ସେକ୍ଟର-୭ର ଏହି କଣ୍ଟେନମେଣ୍ଟ ଅଞ୍ଚଳରେ ଅତ୍ୟାବଶ୍ୟକ ସାମଗ୍ରୀ ସୁନିଶ୍ଚିତ କରିବା ପାଇଁ ଏଜିଏମ୍ ଟାଉନ ସର୍ଭିସେସ୍ ସୋମଜିତ ବଡ଼ପଣ୍ଡାଙ୍କୁ (୮୮୯୫୫୦୧୩୫୪) ଦାୟିତ୍ୱ ଦିଆଯାଇଛି। ରାଉରକେଲା ମହାନଗର ନିଗମ କମିସନର ଦିବ୍ୟଜ୍ୟୋତି ପରିଡ଼ାଙ୍କ ନିର୍ଦ୍ଦେଶକ୍ରମେ ଏହି କଣ୍ଟେନମେଣ୍ଟ ଲାଗୁ କରାଯାଇଛି। ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଏହା ଜାରି ରହିବ।