ସଦର ଫରେଷ୍ଟ ରେଞ୍ଜ ଅଞ୍ଚଳରେ ହାତୀ ଉପଦ୍ରବ: ଘର ଭାଙ୍ଗିଲେ ଓ ଫସଲ ନଷ୍ଟ କଲେ ଚାରି ତିକିଆ ଦନ୍ତା

ସୁନ୍ଦରଗଡ଼: ସୁନ୍ଦରଗଡ଼ ସଦର ଫରେଷ୍ଟ ରେଞ୍ଜ ଅଞ୍ଚଳରେ ହାତୀ ଉପଦ୍ରବ। ଘର ଭାଙ୍ଗିଲେ ଓ ଫସଲ ନଷ୍ଟ କଲେ। ଗତ ଚାରି ପାଞ୍ଚ ଦିନରୁ ସୁନ୍ଦରଗଡ଼ ସଦର ଫରେଷ୍ଟ ରେଞ୍ଜର ମହୁଲଜୋର ଏବଂ ଘାଣ୍ଟିବୁଡ଼ ଅଞ୍ଚଳରେ ଚାରିଟି ଦନ୍ତା ହାତୀ ଲୋକଙ୍କ ନିଦ ହଜାଇଛି। ଗତ ରାତି ମହୁଲଜୋର ଗାଁରେ ୭ଟି ଘର ଭାଙ୍ଗିବା ସହ ଫସଲ ନଷ୍ଟ କରିଛନ୍ତି।

ପଡ଼ୋଶୀ ଜିଲ୍ଲା ସମ୍ବଲପୁରର ବାମଡା ଫରେଷ୍ଟ ରେଞ୍ଜର ବଦରମା ଅଭୟାରଣ୍ୟରୁ ହାତୀଗୁଡ଼ିକ ଆସିଥିବା ଅନୁମାନ କରାଯାଉଛି। ବନ ବିଭାଗ ଖବର ପାଇ ବିଳମ୍ବିତ ରାତିରେ ଗାଁକୁ ଆସି ହାତୀଙ୍କୁ ଘଉଡ଼ାଇଥିଲା କିନ୍ତୁ ହାତୀଗୁଡ଼ିକ ନିକଟ ଜଙ୍ଗଲକୁ ଯାଇ ପୁଣି ଗାଁ ମୁଁହା ହେଉଛନ୍ତି। ଏହାକୁ ନେଇ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି।