ରାଉରକେଲା: ସମ୍ବଲପୁର ଅବକାରୀ ଗୁଇନ୍ଦା ପୁଲିସ ସହରର ପାନପୋଷ ଅଞ୍ଚଳରେ ଚଢ଼ାଉ କରି ବିପୁଳ ପରିମାଣର ନକଲି ଵିଦେଶୀ ମଦ ଜବତ କରିଛି। ଘଟଣାସ୍ଥଳରୁ ବେପାରି ବିଶରାମ କୁଜୁରକୁ ଗିରଫ କରାଯାଇଛି। ତା ନିକଟରୁ ୮୩ ବୋତଲ (୬୩ ଲିଟର) ନକଲି ବିଦେଶୀ ମଦ ଜବତ ହୋଇଛି। ବିଶରାମ ଝାରଖଣ୍ଡରୁ ନକଲି ମଦ ଆଣି ସହରର ବିଭିନ୍ନ ଢ଼ାବା ଓ ହୋଟେଲକୁ ଯୋଗାଉଥିଲା।
Sambad is now on WhatsApp
Join and get latest news updates delivered to you via WhatsApp
ଗତ କିଛି ମାସ ଧରି ସେ ଏମିତି ନକଲି ମଦ ଚୋରା କାରବାର କରୁଥିବା ନେଇ ସମ୍ବଲପୁର ଗୁଇନ୍ଦା ଅବକାରୀ ପୁଲିସକୁ ସୂଚନା ମିଳିଥିଲା। ଅବକାରୀ ଅଧୀକ୍ଷକ ବିପ୍ରଚରଣ ମଣ୍ଡଳ ଓ ଇନ୍ସପେକ୍ଟର ଶଶୀକାନ୍ତ ଦତ୍ତଙ୍କ ନେତୃତ୍ୱରେ ଏକ ଟିମ ଆଜି ସକାଳୁ ଚଢ଼ଉ କରିଥିଲେ।