ରାଉରକେଲା: ରାଉରକେଲା ରେଳ ଷ୍ଟେସନର ପାର୍ସଲ ୟାର୍ଡ ନିକଟରେ ରାଉରକେଲା ଅବକାରୀ ବିଭାଗ ଏବଂ ରେଳବାଇ ପୁଲିସ ଫୋର୍ସ ମିଳିତ ଆକ୍ରମଣରେ ଜଣେ ଅଜ୍ଞାତ ଯୁବକଙ୍କୁ ସନ୍ଦେହରେ ଗିରଫ କରାଯାଇଥିଲା। ତା ନିକଟରୁ ୨୩ କିଲୋ ୧୫୦ ଗ୍ରାମ୍ ଗଞ୍ଜେଇ ଜବତ କରାଯାଇଥିଲା, ଯାହାର ଆନୁମାନିକ ମୂଲ୍ୟ ୨ ଲକ୍ଷ ୩୦ ହଜାର ଟଙ୍କା। ଓଡ଼ିଶାର ଜୟପୁରରୁ କୋଲକାତାକୁ ବେଆଇନ ଭାବେ ଗଞ୍ଜେଇ ଚୋରାଚାଲାଣ ହୋଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ରାଉରକେଲା ଅବକାରୀ ଅଧୀକ୍ଷକ ଶେଖ୍ ଆସିଫ ଅଲ୍ଲୀଙ୍କ ନିର୍ଦେଶରେ ଏହି ଚଢଉ କରାଯାଇଥିଲା। ଧରାପଡ଼ିଥିବା ଅଭିଯୁକ୍ତର ନାମ ବିକି କୁମାର ବୋଲି ଜଣାଯାଇଛି। ତାର ଘର ଉତ୍ତର ପ୍ରଦେଶର ଆଜମଗଡ଼ରେ ବୋଲି ସୂଚନା ମିଳିଛି।