କୋଇଡ଼ା: ବରସୁଆଁ ରେଳସାଇଡିଂକୁ ଲୋଡିଂ ପାଇଁ ଯାଉଥିବା ଏକ ମାଲବାହୀ ଟ୍ରେନ୍ ବରସୁଆଁ ଷ୍ଟେସନ ନିକଟରେ ଲାଇନ୍ଚ୍ୟୁତ ହୋଇଥିଲା। ବୁଧବାର ରାତି ପ୍ରାୟ ୧୧ଟା ସମୟରେ ବରସୁଆଁ ରେଳସାଇଡିଂକୁ ଟ୍ରେନ୍ଟି ଯାଉଥିବାବେଳେ ଏହାର ତିନିଟି ବଗି ଲାଇନ୍ଚ୍ୟୁତ ହୋଇ ଯାଇଥିଲା। ଖବର ପାଇ ଚକ୍ରଧରପୁର ରେଳମଣ୍ଡଳ ପକ୍ଷରୁ ବିଭିନ୍ନ ଟିମ୍ ଆଜି ଘଟଣାସ୍ଥଳରେ ପହଞ୍ଚି ବଗି ଉଦ୍ଧାର ଓ ରେଳଲାଇନ୍ ମରାମତି କାର୍ଯ୍ୟ କରିଥିଲେ। ଏହି ଘଟଣା ପରେ ଟେନସା-ବରସୁଆଁ ମୁଖ୍ୟରାସ୍ତାରେ ଗୁରୁବାର ଦିନତମାମ ଗମନାଗମନ ବାଧାପ୍ରାପ୍ତ ହୋଇଥିଲା।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ରେଳ ଫାଟକ ବନ୍ଦ କରି ମରାମତି ଚାଲିଥିବାରୁ ଟେନସା-ବରସୁଆଁ ରାସ୍ତାରେ ଯୋଗଯୋଗ ବିଚ୍ଛିନ୍ନ ରହିଥିଲା। ଏପରି ବାଇକ୍ କି ଆମ୍ବୁଲାନ୍ସ ଯାତାୟାତ ମଧ୍ୟ ବନ୍ଦ ହୋଇ ଯାଇଥିଲା। ଫଳରେ ଦିନସାରା ସ୍ଥାନୀୟ ଲୋକେ ଓ ଯାତ୍ରୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ।