ତିନି ବର୍ଷ ପରେ ରାଜ୍ୟରେ ବଳକା ଡାକ୍ତର : ସ୍ୱାସ୍ଥ୍ୟମନ୍ତ୍ରୀ
ରାଉରକେଲା ସରକାରୀ ଡାକ୍ତରଖାନା ବୁଲିଲେ ନବକିଶୋର ଦାସ
ରାଉରକେଲା : ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ନବକିଶୋର ଦାସ ତାଙ୍କର ଏକ ଦିବସୀୟ ରାଉରକେଲା ଗସ୍ତରେ ଆସି ପହଞ୍ଚିଛନ୍ତି। ଶ୍ରୀ ଦାସ ତାଙ୍କ ଗସ୍ତ ଅବସରରେ ରାଉରକେଲା ସରକାରୀ ହସପିଟାଲ ପରିଦର୍ଶନ କରିଥିଲେ। ସରକାରୀ ଡାକ୍ତରଖାନାରେ ଖାଲି ପଡିଥିବା ଡାକ୍ତର ଏବଂ କର୍ମଚାରୀଙ୍କ ପଦବି ଶୀଘ୍ର ପୂରଣ କରାଯିବ ବୋଲି ମନ୍ତ୍ରୀ କହିଥିଲେ। ଏବେ ରାଜ୍ୟରେ ଅନେକ ମେଡ଼ିକାଲ କଲେଜ ଖୋଲି ଯାଇଥିବାରୁ ଆଉ ଡାକ୍ତର ଅଭାବ ରହିବେ ନାହିଁ ବୋଲି ସେ କହିଥିଲେ।
Sambad is now on WhatsApp
Join and get latest news updates delivered to you via WhatsApp
ଏହାଛଡ଼ା ସ୍ୱାସ୍ଥ୍ୟ ସେବା ପ୍ରତି ମୁଖ୍ୟମନ୍ତ୍ରୀ ବିଶେଷ ଗୁରୁତ୍ୱ ଦେଉଥିବାରୁ ସରକାରୀ ଡାକ୍ତରଖାନାରେ ଗରିବ ଲୋକମାନଙ୍କ ଚିକିତ୍ସା ସହଜ ହୋଇ ପାରିବ ବୋଲି ସ୍ୱାସ୍ଥ୍ୟ ମନ୍ତ୍ରୀ କହିଥିଲେ। ମନ୍ତ୍ରୀ ଶ୍ରୀ ଦାସ ସରକାରୀ ହସପିଟାଲର ବିଭିନ୍ନ ୱାର୍ଡ ପରିଦର୍ଶନ କରିବା ସହ ରୋଗୀଙ୍କ ସୁବିଧା ଅସୁବିଧା ପଚାରି ବୁଝିଥିଲେ। ମନ୍ତ୍ରୀଙ୍କ ଗସ୍ତ ସମୟରେ ରାଉରକେଲା ବିଧାୟକ ସାରଦା ପ୍ରସାଦ ନାୟକ, ଆର ଜି ଏଚର ନିର୍ଦ୍ଦେଶକ ଏବଂ ବରିଷ୍ଠ ଡାକ୍ତରମାନେ ଉପସ୍ଥିତ ଥିଲେ। ଏବେ ଡେଙ୍ଗୁ ବ୍ୟାପୁଥିବା ଯୋଗୁଁ ଏହାପ୍ରତି ସଜାଗ ରହିବାକୁ ସ୍ୱାସ୍ଥ୍ୟ ମନ୍ତ୍ରୀ ଡାକ୍ତରମାନଙ୍କୁ ପରାମର୍ଶ ଦେଇଥିଲେ।