ରାଉରକେଲା: ରାଉରକେଲାରୁ କୋଇଡା ଯାଉଥିବା ଏକ ବରଯାତ୍ରୀ ଗାଡ଼ି ଦୁର୍ଘଟଣାର ସମ୍ମୁଖୀନ ହୋଇଛି। ଏହି ଦୁର୍ଘଟଣାରେ ଆଠ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି। ଏମାନଙ୍କ ମଧ୍ୟରୁ କିଛି ଗୁରୁତରଙ୍କୁ ରାଉରକେଲା ସରକାରୀ ଡାକ୍ତରଖାନରେ ଭର୍ତ୍ତି କରାଯାଇଛି। ଗୁରୁତରମାନଙ୍କର ଏଯାବତ୍‌ ପରିଚୟ ମିଳି ପାରିନାହିଁ। ଲହୁଣୀପଡା ଥାନା ଅନ୍ତର୍ଗତ ଟିଙ୍କୋ ଘାଟିରୁ ସ୍କର୍ପିଓ ଗାଡ଼ିଟି ୩୦ ଫୁଟ୍‌ ତଳକୁ ଖସି ପଡିଛି। ଆଜି ଭୋର ପ୍ରାୟ ଚାରିଟାରେ ଏହି ଦୁର୍ଘଟଣା ହୋଇଛି। ଲହୁଣୀପଡା ପୁଲିସ ଦୁର୍ଘଟଣାଗ୍ରସ୍ତ ଗାଡିକୁ ଜବତ କରି ଘଟଣାର ତଦନ୍ତ ଚଳାଇଛି।