୩ ଶିଳ୍ପପତିଙ୍କ ସମେତ ୭ ଜଣ ଗିରଫ, ୬ ଲକ୍ଷ ଟଙ୍କା ଜବତ
ହାଇପ୍ରୋଫାଇଲ୍ ଜୁଆ ଆଡ଼ା ଉପରେ ଚଢ଼ଉ
ରାଉରକେଲା : ରାଉରକେଲା ପୁଲିସ ଏକ ହାଇପ୍ରୋଫାଇଲ୍ ଜୁଆ ଆଡ଼ା ଉପରେ ଚଢ଼ଉ କରି ୩ ଜଣ ଶିଳ୍ପପତିଙ୍କ ସମେତ ୭ ଜଣଙ୍କୁ ଗିରଫ କରିଛି। ସେମାନଙ୍କ ଠାରୁ ୬ ଲକ୍ଷରୁ ଅଧିକ ଟଙ୍କା ଏବଂ ଜୁଆ ଖେଳରେ ବ୍ୟବହୃତ ଦୁଇ ମୁଠା ତାସ୍ ଜବତ କରିଛି।
Sambad is now on WhatsApp
Join and get latest news updates delivered to you via WhatsApp
ରାଉରକେଲା ସିଭିଲ୍ ଟାଉନ୍ସିପ୍ ଘର ନମ୍ବର ଟିଟିଟି/୧୩ରେ ଜୁଆ ଖେଳ ଚାଲୁଥିବା ସମ୍ପର୍କରେ ଖବର ପାଇ ପୁଲିସ ସେଠାରେ ଚଢଉ କରି ଜୁଆଡିଙ୍କୁ ଗିରଫ କରିଥିଲେ। ସେମାନେ ହେଲେ ଶିଳ୍ପପତି ଦୀପକ ଚାଓ୍ଵଲା, ଶିଳ୍ପପତି ରାଜ ଅଗ୍ରଓ୍ଵାଲ ଓ ଶିଳ୍ପପତି ସୁଧୀର କେଡ଼ିଆ, ବ୍ୟବସାୟୀ ପରଭେଜ୍ ସାହୁ, ବ୍ୟବସାୟୀ ନାଗର ଅଗ୍ରଓ୍ଵାଲ, ବ୍ୟବସାୟୀ ରଣଜିତ୍ ସାହୁ, ବ୍ୟବସାୟୀ ଧନଓ୍ଵାନ ଧୋଳକଡ଼ା। ସେମାନଙ୍କ ନିକଟରୁ ମୋଟ ୬ ଲକ୍ଷ ୩୨ ହଜାର ୫ଶହ ଟଙ୍କା ଜବତ କରାଯାଇଛି। ଗତ କିଛି ଦିନ ହେଲା ଏହି ଘରେ ଜୁଆ ଖେଳ ଚାଲୁଥିଲା। ବହୁ ଶିଳ୍ପପତି, ସମ୍ଭ୍ରାନ୍ତ ପରିବାରର ଲୋକେ ଆସି ଜୁଆ ଖେଳୁଥିଲେ।