ରାଉରକେଲା : ଟିକା ନ ଥିବାରୁ ୪୫ ବର୍ଷରୁ ଅଧିକ ବୟସ୍କ ଲୋକଙ୍କ ପାଇଁ ଆଜି ଟିକାକରଣ ବନ୍ଦ ରହିଛି। ମାତ୍ର ଏ ସଂକ୍ରାନ୍ତରେ ଜିଲ୍ଲା ପ୍ରଶାସନ ପକ୍ଷରୁ ଲୋକଙ୍କୁ କୌଣସି ସୂଚନା ଦିଆଯାଇ ନାହିଁ। କିଛି ସୂଚନା ନ ଥିବାରୁ ରାତି ଚାରିଟାରୁ ରାଉରକେଲା ସରକାରୀ ଡାକ୍ତରଖାନା (ଆରଜିଏଚ) ସମେତ ଅନ୍ୟ ସାତଟି କେନ୍ଦ୍ରରେ ଲୋକଙ୍କ ଲମ୍ବା ଲାଇନ ଲାଗିଥିଲା l ନିର୍ଦ୍ଧାରିତ ସମୟ ମଧ୍ୟରେ କେନ୍ଦ୍ର ନ ଖୋଲିବାରୁ ଲୋକମାନେ ହୋହଲ୍ଲା କରିଥିଲେ। ଆରଜିଏଚରେ ଉତ୍ତେଜନା ପ୍ରକାଶ ପାଇଥିଲା l ଲୋକମାନେ ଟିକା ନେବାକୁ ଅଡ଼ି ବସିଥିଲେ l ଟିକା ନ ନେବା ପର୍ଯ୍ୟନ୍ତ କେନ୍ଦ୍ରରୁ ହଟିବୁ ନାହିଁ l
Sambad is now on WhatsApp
Join and get latest news updates delivered to you via WhatsApp
ରଘୁନାଥପାଲି ପୁଲିସ ପହଞ୍ଚି ଉତ୍ତେଜିତ ଲୋକଙ୍କୁ ବୁଝାସୁଝା କରିବା ପରେ ସ୍ଥିତି ଶାନ୍ତ ପଡିଥିଲାl ଅନୁରୂପ ଭାବେ ଅନ୍ୟ କେନ୍ଦ୍ର ସେହି ସମାନ ସ୍ଥିତି ଉପୁଜିଥିଲା l ସେପଟେ ଆସନ୍ତାକାଲି ଠାରୁ ସହରରେ ଆଠଟି କେନ୍ଦ୍ରରେ ୧୮ରୁ ୪୪ ବର୍ଷ ଓ ୪୫ରୁ ଉର୍ଦ୍ଧ୍ବ ବୟସ୍କଙ୍କୁ ଟିକା ଦିଆଯିବ l ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି l କେବଳ ପଞ୍ଜିକରଣ ଓ ସ୍ଲଟ ବୁକିଂ କରିଥିବା ଲୋକ ହିଁ ଟିକା ନେଇ ପାରିବେ l