ମିତ୍ତଲ ଖଣି କର୍ମଚାରୀଙ୍କୁ ନେଇ ଯାଉଥିବା ଟ୍ରାଭେଲର୍ ସହ ହାଇୱା ଧକ୍କା, ୩ ଗୁରୁତର

କୋଇଡା: ସୁନ୍ଦରଗଡ଼ ଜିଲ୍ଲା କୋଇଡା ଥାନା ଅନ୍ତର୍ଗତ ସାଗାସାହି ଆର୍ସନେଲ ମିତ୍ତଲ ଖଣି କର୍ମଚାରୀମାନଙ୍କୁ ନେଇ ଯାଉଥିବା ଟ୍ରାଭେଲରଟି ଦୁର୍ଘଟଣାଗ୍ରସ୍ତ ହୋଇଛି। ଟ୍ରାଭେଲର୍‌ରେ ଏକ ହାଇୱା ଧକ୍କା ହୋଇ ୩ ଜଣ ଗୁରୁତର ହୋଇଛନ୍ତି। ଆହତ ହୋଇଥିବା ସମୁଦାୟ ସାତ ଜଣ କର୍ମଚାରୀଙ୍କୁ କୋଇଡା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିିବା ବେଳେ ତିନି ଜଣଙ୍କ ଅବସ୍ଥା ସଂକଟାପନ୍ନ ରହିଛି। ଦୁର୍ଘଟଣା ଘଟିବା ପରେ ଘଟଣାସ୍ଥଳରୁ ହାଇୱା ଚାଳକ କେଉଁଆଡ଼େ ଫେରାର୍‌ ହୋଇଯାଇଛନ୍ତି।

ଅନ୍ୟପଟେ ତରବରିଆ ଭାବେ କୋଇଡ଼ା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରଠାରେ ଆହତମାନଙ୍କୁ ପ୍ରାଥମିକ ଚିକିତ୍ସା କରାଯିବା ସହ ସେମାନଙ୍କର ପରିଚୟ ଗୋପନ ରଖି ସମସ୍ତ ଗୁରୁତରମାନଙ୍କୁ କୋଇଡା ଥାନାରେ ନ ଜଣାଇ ଜୋଡା ଟିସ୍କୋ ମେଡିକାଲ୍ ନିଆଯାଇଥିବା ସୂଚନା ରହିଛି।