ରାଉରକେଲା: ପରେଡ ଦେଖି ଫେରିବା ବେଳେ ଦୁର୍ଘଟଣାର ସମ୍ମୁଖୀନ ହେବାରୁ ଶନିବାର ୨ ଜଣ ଛାତ୍ରଙ୍କ ମୃତ୍ୟୁ ଘଟିଛି। ସୂଚନା ଅନୁସାରେ ଫର୍ଟିଲାଇଜର ଟାଉନ୍ସିପ୍ ନିକଟରେ ଏହି ଦ୍ରୁତ ଗତିରେ ଯାଉଥିବା ଟାଟା ଏସି ୨ଜଣ ଛାତ୍ରଙ୍କୁ ଧକ୍କା ଦେଇଥିଲା। ଏହା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନା ମିଳିବା ପରେ ପୁଲିସ ଉତ୍ତେଜନାପୂର୍ଣ୍ଣ ସ୍ଥଳରେ ପହଂଚିଛି। ଉତ୍ତେଜିତ ଲୋକେ ରାସ୍ତା ଅବରୋଧ କରି ଫେରାର ଚାଳକକୁ ଯଥା ଶୀଘ୍ର ଗିରଫ କରିବା ଏବଂ କ୍ଷତିପୂରଣ ଦାବି କରିଛନ୍ତି। ଉତ୍ତେଜିତ ଲୋକଙ୍କୁ ପୁଲିସ ବୁଝାସୁଝା କରୁଛି।
ଇଂରାଜୀ ମିଡିୟମର ଛାତ୍ର ହରିଷ ଚନ୍ଦ୍ର ମୁର୍ମୁ ଓ ସୌମ୍ୟ ରଂଜନ ପାତ୍ରଙ୍କୁ ଆଜି ଅପରାହ୍ନରେ ଟାଟା ଏସି ଧକ୍କା ଦେଇଥିଲା। ଏହା ପରେ ସ୍ଥାନୀୟ ଲୋକେ ଉତ୍ତେଜିତ ହୋଇ ଟାୟାର ଜାଳି ରାସ୍ତା ଅବରୋଧ କରିଥିଲେ। ଫଳରେ ଶତାଧିକ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା। ୨ ଜଣ ଛାତ୍ରଙ୍କ ମୃତ୍ୟୁ ପରେ ସ୍ଥାନୀୟ ଅଂଚଳରେ ଶୋକାକୂଳ ପରିବେଶ ଦେଖିବାକୁ ମିଳିଛି।