୭୩ ବର୍ଷ ପରେ ଆସିଲାନି ବିଜୁଳି: ଭୋଟ ବର୍ଜନ କରିବେ ପାଞ୍ଚ ଗ୍ରାମବାସୀ
ରାଉରକେଲା : ବଣାଇଁ ଉପଖଣ୍ଡର ଲହୁଣୀପଡ଼ା ବ୍ଲକ ଅନ୍ତର୍ଗତ ଦର୍ଜିଂ ପଞ୍ଚାୟତ ଅଧିନସ୍ଥ ଥିବା କୋଇଲିଝର, ଲୁଧୁଣି, ଢେଙ୍କିଆମ, ଗହମି ଓ ପୁରୁଣାପାଣି ୫ଟି ଗ୍ରାମରେ ବିଦ୍ୟୁତ ସଂଯୋଗରୁ ବଞ୍ଚିତ ଥିବାରୁ ଚଳିତ ବର୍ଷ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଭୋଟ ବର୍ଜନ କରିବା ପାଇଁ ନିଷ୍ପତ୍ତି ନେଇଛନ୍ତି। ଉକ୍ତ ୫ଟି ଗ୍ରାମରେ ସ୍ୱାଧୀନତାର ୭୩ ବର୍ଷ ହେବାକୁ ବସିଲାଣି ଏଯାଏଁ ଏହି ଗ୍ରାମରେ ବିଦ୍ୟୁତ ସଂଯୋଗରୁ ବଞ୍ଚିତ ହୋଇଥିବା କହିଛନ୍ତି। ଉକ୍ତ ୫ଟି ଗ୍ରାମରେ ୮ଶହ ରୁ ଉର୍ଦ୍ଧ୍ବ ଭୋଟର ଥିବା ବେଳେ ଏମାନେ ବିଦୁତ ଲାଇନ୍ ରୁ ବଞ୍ଚିତ ରହିଛି। ବିଦ୍ୟୁତ୍ ନଥିବାରୁ ଅନ୍ଧକାର ମୟରେ ରହିଛି। ଯାହାଫଳରେ ସେମାନେ ବଡ଼ ଅସୁବିଧା ସମ୍ମୁଖୀନ ହେଉଛନ୍ତି। ପିଲାମାନଙ୍କ ପାଠ ପଠା ଠାରୁ ଆରମ୍ଭ କରି ବିଭିନ୍ନ ଅସୁବିଧା ସମ୍ମୁଖୀନ ହେଉଛନ୍ତି। ତେବେ ବିଦ୍ୟୁତ ସଂଯୋଗ ନଥିବାରୁ ସରକାରଙ୍କ ପକ୍ଷରୁ ଗ୍ରାମରେ ସୋଲାର ଲାଇଟ ବ୍ୟବସ୍ଥା କରାଯାଇଥିବା ବେଳେ ଏହି ସୋଲାର ସବୁ ଅଚଳ ଅବସ୍ଥାରେ ପଡିରହିଛି। ଯାହାଫଳରେ ନା ସୋଲାର ସୁବିଧା ପାଇଲେ ନା ବିଦ୍ୟୁତ ସଂଯୋଗ ହୋଇପାରିଲା ନାହିଁ । ସେମାନଙ୍କ କହିବା ଅନୁସାରେ ସରକାରଙ୍କ ପକ୍ଷରୁ ବିଭିନ୍ନ ଗ୍ରାମରେ ସହରରେ ବିଦ୍ୟୁତ ଯୋଗାଣ ରହିଥିବା ବେଳେ ଏଠି ଏଯାଏଁ ଗ୍ରାମରେ ନା ବିଦ୍ୟୁତ ସଂଯୋଗରୁ ବଞ୍ଚିତ ରହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଉକ୍ତ ଗ୍ରାମର ହିନ୍ଦି ଓରାମ, ବିନୋଦିନୀ ବାର୍ଲା, ରେଣୁକା ଓରାମ, ସିନଗୀ ଓରାମ, ବାସନ୍ତି ଧିବର, ହେମଲତା ଓରାମ, ବାସନ୍ତି ଓରାମ, ସାବିତ୍ରୀ କିସାନ, କୁନ୍ତଳା କିସାନ, ନିରଞ୍ଜନ ମୁଣ୍ଡା, କୁମୁଦ ବନ୍ଧୁ ମାହାନ୍ତ, ରାମ ରାୟ ମୁଣ୍ଡା, ମଧୁ ଓରାମ, ଶୁକ୍ରୁ ଓରାମ ପ୍ରମୁଖ ବହୁ ଶତାଧିକ ଭୋଟର ବର୍ଜନ କରିବା ପାଇଁ ନିଷ୍ପତ୍ତି ନେଇଛନ୍ତି। ଯେ ପର୍ଯ୍ୟନ୍ତ ୫ଟି ଗ୍ରାମରେ ବିଦ୍ୟୁତ ସମସ୍ୟାର ର ସମାଧାନ କରା ନଯାଏ ଚଳିତ ବର୍ଷ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଭୋଟ ବର୍ଜନ କରିବାକୁ ସ୍ଥିର କରିଛନ୍ତି।