ସେତୁ ନିର୍ମାଣ ନ ହେଲେ ଭୋଟ୍‌ବର୍ଜନ

ବିଶ୍ରା: ବିଶ୍ରା ଅଞ୍ଚଳର ବହୁ ଗ୍ରାମବାସୀ ନିର୍ବାଚନ ବର୍ଜନ କରିବାକୁ ଚେତାବନୀ ଦେଇଛନ୍ତି। ଗ୍ରାମବାସୀ କହିଛନ୍ତି ଯେ ଦୀର୍ଘ ୧୫ ବର୍ଷ ଧରି ପୂରୁଣା ବିଶ୍ରା ନାଳରେ ବ୍ରିଜ ନିର୍ମାଣ କାହିଁକି ହୋଇନାହିଁ। ଏହି ଅବସରରେ ଗ୍ରାମବାସୀ କେନ୍ଦ୍ର ଏବଂ ରାଜ୍ୟ ସରକାରଙ୍କ ବିରୋଧରେ ସ୍ଲୋଗାନ୍‌ ମଧ୍ୟ ଦେଇଥିଲେ। ଲୋକେ କହିଥିଲେ ଯେ ‘ବ୍ରିଜ୍‌ ନାହିଁ ତୋ ଭୋଟ ନାହିଁ’। ବାସ୍ତବରେ ପୂରୁଣା ବିଶ୍ରା ନାଳ ନିକଟସ୍ଥ ବ୍ରିଜ୍‌ଟି ଏତେ ତଳେ ରହିଛି ଯେ ବର୍ଷା ଦିନରେ ସମଗ୍ର ବ୍ରିଜ୍‌ଟି ପାଣିରେ ବୁଡ଼ି ଯାଏ। ବର୍ଷା ପାଣି ଭର୍ତ୍ତି ହୋଇଥିବାରୁ ସ୍ଥାନୀୟ ଲୋକ ଏବଂ ଗାଡ଼ି ଚାଳକମାନେ ଗାଡି ଚଳାଇବାରେ ମଧ୍ୟ ବହୁ ସମସ୍ୟାର ସମ୍ମୁଖୀନ ହୋଇଥାଏ। ଅନେକ ଥର ଲୋକମାନେ ଏହି ବ୍ରିଜ୍‌ ନିର୍ମାଣ ସମ୍ପର୍କରେ ଅଞ୍ଚଳର ଜନପ୍ରତିନିଧିଙ୍କୁ ସୂଚନା ଦେଇଥିଲେ। କିନ୍ତୁ ଗ୍ରାମବାସୀଙ୍କୁ ଏଥିରୁ କୌଣସି ସୁଫଳ ମିଳିନାହିଁ।

ପ୍ରାୟ ଏକ ଦଶନ୍ଧି ଧରି ଗ୍ରାମବାସୀଙ୍କ ସହ ଚାଲିଆସୁଥିବା ଏହି ସମସ୍ୟାର କୌଣସି ସମାଧାନ ହୋଇ ପାରିନାହିଁ। ଅନେକ ଥର ବର୍ଷା ଦିନେ ଲୋକେ ନାଳ ଗର୍ତ୍ତରେ ପଡ଼ି ଆହତ ହେଉଛନ୍ତି। ଅନ୍ୟପକ୍ଷ​ରେ ନିର୍ବାଚନ ପାଖେଇ ଆସୁଥିବାବେଳେ ସମଗ୍ର ମୋନକୋ ପଞ୍ଚାୟତର ୧୨ ଟି ଗାଁର ଲୋକେ ଭୋଟ୍ ବର୍ଜନ ନିଷ୍ପତ୍ତି ନେଇଛନ୍ତି। ଗ୍ରାମବାସୀ କହିଛନ୍ତି ଯେ ରାଜ୍ୟ ତଥା କେନ୍ଦ୍ର ସରକାର ଆମ ଆଦିବାସୀମାନଙ୍କୁ ହଇରାଣ କରୁଛନ୍ତି। ଏବେ ଗ୍ରାମବାସୀ ସେମାନଙ୍କ ଜିଦ୍‌ରେ ଅଟଳ ଅଛନ୍ତି। ନିର୍ବାଚନ ପୂର୍ବରୁ ଯଦି ଏହି ବ୍ରିଜ୍‌କୁ ନେଇ ଉପଯୁକ୍ତ ପଦକ୍ଷେପ ନିଆ ନଯାଏ, ତେବେ ସେମାନେ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି।

ସମ୍ବନ୍ଧିତ ଖବର