ରାଉରକେଲା : ସିଭିଲଟାଉନସିପରେ ମାର୍ବଲ ଅନଲୋଡିଂ ବେଳେ ମାର୍ବଲ ତଳେ ଚାପି ଜଣେ ଶ୍ରମିକଙ୍କ ମୃତ୍ୟୁ ହୋଇଛି। ମୃତକ ଜଣଙ୍କ ହେଲେ ମଧୁସୂଦନପାଲିର ଅଭଜିତ ବାନାର୍ଜୀ। ଗୁରୁତର ଆହତ ହେଲେ ଗୁଡ୍ଡୁ ଇଜ଼ାକ। ତାଙ୍କୁ ରାଉରକେଲା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ରଘୁନାଥପାଲୀ ପୁଲିସ ଶବ ଜବତ କରି ଘଟଣା ତଦନ୍ତ ଚଳାଇଛି। ସେପଟେ ଉପଯୁକ୍ତ କ୍ଷତିପୂରଣ ଦେବାକୁ ପରିବାର ଲୋକ ଦାବି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ସିଭିଲଟାଉନସିପରେ ଜଣେ ବ୍ୟବସାୟୀଙ୍କ ବିଲଡିଂ ନିର୍ମାଣ କାମ ଚାଲିଛି। ସେଠାରେ ମୃତ ଅଭିଜିତ ଓ ଆହତ ଗୁଡ୍ଡୁ ସହ ଚାରି ଜଣ ଶ୍ରମିକ କାମ କରୁଥିଲେ। ସେମାନେ ଟ୍ରକରୁ ମାର୍ବଲ ଅନଲୋଡିଂ କରୁଥିଲେ। ଦୁଇ ଜଣ ତଳେ, ଅନ୍ୟ ଦୁଇ ଜଣ ଉପରେ ଥିଲେ। ହଠାତ୍ ଅଭଜିତ ଓ ଗୁଡ୍ଡୁଙ୍କ ଉପରେ ମାର୍ବଲ ପଡ଼ି ଯାଇଥିଲା। ଫଳରେ ଏହି ଅଘଟଣ ଘଟିଥିଲା।