ରାଉରକେଲାର ଯୁବତୀଙ୍କୁ ପଞ୍ଜାବରେ ଜୋରଜବରଦସ୍ତି ବାହାଘର ଉଦ୍ୟମ: ଯୁବତୀ ଓ ତାଙ୍କ ବଡ଼ ଭଉଣୀଙ୍କ ସହ ଦୁଇ ନାବାଳିକା ଉଦ୍ଧାର
ରାଉରକେଲା : ରାଉରକେଲା ଗୋପବନ୍ଧୁପାଲ୍ଲୀର ଜଣେ ଯୁବତୀଙ୍କୁ ପଞ୍ଜାବରେ ଜୋରଜବରଦସ୍ତ ବିବାହ ଉଦ୍ୟମ ପଣ୍ଡ ହୋଇଛିl ପ୍ଲାଣ୍ଟସାଇଟ ପୁଲିସ ପଞ୍ଜାବର ଅମ୍ରିତସରରୁ ଯୁବତୀ, ତାଙ୍କ ବଡ଼ ଭଉଣୀ ସମେତ ଦୁଇ ନାବାଳିକାଙ୍କୁ ସ୍ଥାନୀୟ ପୁଲିସ ସହାୟତାରେ ଉଦ୍ଧାର କରିଛି l ଯୁବତୀଙ୍କୁ ନେଇ ଥିବା ସମ୍ପର୍କୀୟ ମହିଳା ଘଟଣାସ୍ଥଳରୁ ଫେରାର ହୋଇଯାଇଛିl
Sambad is now on WhatsApp
Join and get latest news updates delivered to you via WhatsApp
ଗୋପବନ୍ଧୁପାଲୀରେ ଯୁବତୀ ଜଣକ ତାଙ୍କ ପରିବାର ସହ ରହନ୍ତି l ଗତ ୩୦ ତାରିଖରେ ଯୁବତୀ ବାପାଙ୍କ ସମ୍ପର୍କୀୟ ଜଣେ ମହିଳା ତାଙ୍କ ଘରେ ପହଞ୍ଚିଥିଲେl ଯୁବତୀଙ୍କୁ କାମ ଦେବା ବାହାନାରେ ପଞ୍ଜାବର ଅମ୍ରିତସରକୁ ନେଇଯାଇଥିଲେl ସେଠାରେ ତାର ଅନିଚ୍ଛାରେ ଅନ୍ୟ ଜଣେ ପୁରୁଷ ସହ ବିବାହ କରାଇଦେଉଥିଲେl ଏ ସଂକ୍ରାନ୍ତରେ ଯୁବତୀ ଜଣକ ତାଙ୍କ ମାଙ୍କୁ ଫୋନ୍ କରି ଜଣାଇଥିଲେ l ଯୁବତୀଙ୍କ ମା ପ୍ଲାଣ୍ଟସାଇଟ ଥାନାରେ ଲିଖିତ ଏତଲା ଦେଇଥିଲ l ପ୍ଲାଣ୍ଟ ସାଇଟ ଥାନାର ସ୍ୱତନ୍ତ୍ର ଟିମ ପଞ୍ଜାବରେ ପହଞ୍ଚି ଯୁବତୀଙ୍କ ସହ ଅନ୍ୟମାନଙ୍କୁ ଉଦ୍ଧାର କରି ରାଉରକେଲା ଆଣିଛନ୍ତିl