ସାନର ଗୁଳିମାଡ଼‌ରେ ବଡ଼ଭାଇ ଗୁରୁତର

ସୁନ୍ଦରଗଡ଼: ସୁନ୍ଦରଗଡ଼ରେ ପୁଣି ଫୁଟିଲା ଗୁଳି। ଗତକାଲି ରାତି ୮ଟାରେ ସମ୍ପର୍କୀୟ ସାନଭାଇର ଗୁଳିମାଡ଼ରେ ବଡ଼ଭାଇ ଗୁରୁତର। କିଞ୍ଜିରକେଲା ଥାନା ପାତକିଯୋରରେ ଘଟିଛି ଏହି ଅଭାବନୀୟ ଘଟଣା। ପ୍ରାଥମିକ ଭାବେ ଘରୋଇ କଳହକୁ କେନ୍ଦ୍ର କରି ଗୁଳିକାଣ୍ଡ ଘଟିଥିବା ସୂଚନା ମିଳିଛି। ଗୁରୁତର ବଡ଼ ଭାଇ ବାସୁଦେବ ସାଙ୍କୁ ଆମ୍ବୁଲାନ୍ସ ଯୋଗେ ସୁନ୍ଦରଗଡ଼ ଜିଲ୍ଲା ମୁଖ୍ୟ ଡାକ୍ତରଖାନାକୁ ଅଣାଯାଇଥିଲା। ପିଠିରେ ଗୁଳି ବାଜି ଶରୀର ଭିତରେ ରହି ଯାଇଥିବାରୁ ଡାକ୍ତର ତାଙ୍କୁ ବୁର୍ଲା ସ୍ଥାନାନ୍ତର କରିଛନ୍ତି।।

ଘଟଣା ପରେ ଫେରାର ହେବାକୁ ଚେଷ୍ଟା କରୁଥିବ ସାନ ଭାଇ ସୁନିଲ ସାଙ୍କୁ ଗାଁ ଲୋକେ ଧରି ନିସ୍ତୁକ ମାଡ଼ ମାରିବା ସହ ପୁଲିସକୁ ହସ୍ତାନ୍ତର କରିଛନ୍ତି। ଖବର ପାଇ କିଞ୍ଜି‌ରକେଲା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ଆହତ ସାନଭାଇକୁ ଡାକ୍ତରଖାନା ପଠାଇଛି।