ଧଉଳି ନିକଟରୁ ସ୍ବିଗି ଡେଲିଭରି ବୟଙ୍କୁ ଅପହରଣ, ଥାନାରେ ମାମଲା ରୁଜ୍ଜୁ
ଭୁବନେଶ୍ବର : ଖାଦ୍ୟ ଯୋଗାଣ କମ୍ପାନି ସ୍ବିଗିରେ ଡେଲିଭରି ବୟ ଭାବେ କାମ କରୁଥିବା ପତିତବପାବନ ପୃଷ୍ଟିଙ୍କୁ କେତେକ ଦୁର୍ବୁତ୍ତ ଆକ୍ରମଣ କରି ଅପହରଣ କରିନେଇଥିବା ଅଭିଯୋଗ ହୋଇଛି । ଭୁବନେଶ୍ୱର ଉତ୍ତରା ଛକ ନିକଟରେ ତାଙ୍କୁ ଅପହରଣ କରାଯାଇଥିବା କଥା ଗତ ରାତିରେ ଫୋନ ଯୋଗେ ସ୍ତ୍ରୀଙ୍କୁ ଜଣାଇଥିଲେ ପତିତପାବନ । କିଛି ଲୋକ ଛୁରୀରେ ଆକ୍ରମଣ କରିବା ସହ ଫୋନ ଓ ଟଙ୍କା ଛଡ଼ାଇ ନେଇଯାଇଥିବାବେଳେ ପାଖରେ ଥିବା ଆଉ ଏକ ଫୋନରୁ ସେ ସ୍ତ୍ରୀଙ୍କୁ ଏକଥା ଜଣାଇଥିଲେ । ଏହାପରେ ତାଙ୍କ ପରିବାର ଲୋକ ଲିଙ୍ଗରାଜ ଥାନାରେ ଅଭିଯୋଗ କରିଥିଲେ। ଗତକାଲି ରାତି ୧୦ଟାରେ ଏହି ଘଟଣା ଘଟିଥିବା ଜଣାପଡ଼ିଛି । ଏହାପରେ ପରିବାର ଲୋକଖୋଜା ଖୋଜି ଚଲାଇଥିଲେ ବି ଏଯାଏଁ ପତିତପାବନଙ୍କ ପତ୍ତା ମିଳୁନି । ପତିତପାବନ ଯେଉଁ ଫୋନରେ ସ୍ତ୍ରୀଙ୍କୁ କଲ କରିଥିଲେ ସେହି ନମ୍ବର ବି ବନ୍ଦ ଅଛି । ଅନ୍ୟପକ୍ଷରେ ଦୟା ପୋଲ ଉପରେ ପତିତପାବନଙ୍କ ଚପଲ ଓ ଏକ ଛୁରୀ ପଡ଼ିଥିବା ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣାକୁ ନେଇ ପରିବାର ଲୋକେ ଧଉଳି ଥାନାରେ ଅଭିଯୋଗ କରିବା ପରେ ପୁଲିସ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି ।