ଦର୍ପଣ ତହସିଲଦାରଙ୍କ ଅଭିନବ ପ୍ରୟାସ, ଘରଘର ବୁଲି ଜମିପଟ୍ଟା ବାଣ୍ଟୁଛନ୍ତି
ଯାଜପୁର: ପଟ୍ଟା ପାଇଁ ଆଉ ଲୋକଙ୍କୁ ତହସିଲ ଅଫିସ ଦୌଡ଼ି ଦୌଡ଼ିଚପଲ ଛିଣ୍ଡାଇବାକୁ ପଡ଼ୁନାହିଁ। ଘରଘର ବୁଲି ଜମି ପଟ୍ଟା ବାଣ୍ଟୁଛନ୍ତି ତହସିଲଦାର। ଘରେ ଅଚାନକ ପହଞ୍ଚି ନିଜେ ଜମି ପଟ୍ଟା ବାଣ୍ଟୁଛନ୍ତି ତହସିଲଦାର। ଏମିତିକି ଗରିବ ଲୋକଙ୍କୁ ଘର ଦୁଆରେ ନିକଟରେ ପହଞ୍ଚାଉଛନ୍ତି ପଟ୍ଟା। ଯାହା ଓଡ଼ିଶାରେ ପ୍ରଥମ ବୋଲି କୁହାଯାଉଛି। ଜମି ଜମା ସମ୍ବନ୍ଧୀୟ କାର୍ଯ୍ୟକୁ ଜରୁରୀକାଳୀନ ଭିତ୍ତିରେ ସମାପନ କରିବାକୁ ରାଜସ୍ୱ ବିଭାଗକୁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି। ଡାକ ଯୋଗେ ହେଉ ଅବା ନିଜେ ତହସିଲଦାର ହିତାଧିକାରୀଙ୍କ ନିକଟରେ ପହଞ୍ଚିବେ। ଏହାକୁ ପାଳନ କରିଛନ୍ତି ଯାଜପୁର ଜିଲ୍ଲା ଦର୍ପଣ ତହସିଲଦାର ପ୍ରଦୀପ କୁମାର ସେଠୀ। ରାଜସ୍ୱ ରଥରେ ବସି ଘର ଘର ବୁଲି ବାଣ୍ଟୁଛନ୍ତି ଘରର ପଟ୍ଟା। ଏପଟେ ଘର ଦୁଆର ମୁହଁରେ ଜମି ପଟ୍ଟା ପାଇ ହିତାଧିକାରୀ ମଧ୍ୟ ଖୁସ୍। ପୂର୍ବରୁ ଜମି ପଟ୍ଟାଟିଏ ପାଇବା ପାଇଁ ଲୋକମାନଙ୍କୁ ତହସିଲ କାର୍ଯ୍ୟାଳୟକୁ ବାରମ୍ବାର ଦୈାଡ଼ିବାକୁ ପଡୁଥିଲା।
Sambad is now on WhatsApp
Join and get latest news updates delivered to you via WhatsApp
ଅନେକ ଖର୍ଚ୍ଚାନ୍ତ ମଧ୍ୟ ହେଉଥିଲେ। ତେବେ କିଛି ମାସ ହେବ ଦର୍ପଣ ତହସିଲର ତହସିଲଦାର ଭାବେ ପ୍ରଦୀପ କୁମାର ସେଠୀ କାର୍ଯ୍ୟରେ ଯୋଗଦେବା ପରେ ସେ ଏହି କାର୍ଯ୍ୟକୁ ତ୍ୱରାନିତ କରିଛନ୍ତି। ବର୍ଷବର୍ଷ ଧରି ପଡ଼ିରହିଥିବା ଜମିଜମା ସମ୍ବନ୍ଧୀୟ କାର୍ଯ୍ୟକୁ ସରକାରଙ୍କ ନିୟମ ଅନୁସାରେ ଲୋକଙ୍କ ପାଖରେ ପହଞ୍ଚାଇବାକୁ ପ୍ରୟାସ ଜାରି ରଖିଛନ୍ତି। ଇତିମଧ୍ୟରେ ତହସିଲ ଅଧୀନରେ ପାଖାପାଖି ୨ହଜାରରୁ ଅଧିକ ହିତାଧିକାରୀଙ୍କୁ ଜମିପଟ୍ଟା ହସ୍ତାନ୍ତର କରିସାରିଲେଣି। ଅନେକ ସମୟରେ ଇଣ୍ଟରନେଟ୍ ଫେଲ୍ ଯୋଗୁ ଡାକ ସେବାରେ ପଟ୍ଟା ପହଞ୍ଚିବା ଅସମ୍ଭବ ହୋଇପଡ଼ୁଥିବାରୁ ପ୍ରତ୍ୟେକ ନିଜ କର୍ମଚାରୀଙ୍କ ସାଥୀରେ ନେଇ ରାଜସ୍ୱ ରଥରେ ପଟ୍ଟା ଦେବା ପାଇଁ ଘରଘର ବୁଲୁଛନ୍ତି।