ଗଞ୍ଜାମ: ଆଜି ସକାଳେ ବିଶାଖାପାଟଣାରୁ ବ୍ରହ୍ମପୁର ଯାଉଥିବା ବେଳେ ପୂର୍ବ ବଳରାମପୁର ଫାଟକ ନିକଟରେ ଭାରସାମ୍ୟ ହରାଇ ଏକ ଗ୍ୟାସ ବୋଝେଇ ଟ୍ୟାଙ୍କର ଓଲଟି ପଡ଼ିଛି। ଏଥିପାଇଁ ଅନ୍ୟ ଦୁର୍ଘଟଣା ଘଟିବା ଆଶଙ୍କାରେ ସେଠାରେ ଇଛାପୁର ଓ ଜରଡ଼ା ଥାନା ପୁଲିସ ପହଞ୍ଚିି ରାସ୍ତା ଅବରୋଧ କରିଛନ୍ତି। ସେହି ରାସ୍ତାରେ ଯାନବାହାନ ଚଳାଚଳ ଉପରେ ନିୟନ୍ତ୍ରଣ କରାଯାଇଛି। ସେହିପରି ଅଗ୍ନିକାଣ୍ଡ ଏଡାଇବା ପାଇଁ ପାତ୍ରପୁର ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଗ୍ୟାସ ଟ୍ୟାଙ୍କର ଉପରେ ପାଣି ବର୍ଷା କରୁଛି।