ମୟୂରଭଞ୍ଜ ଜିଲ୍ଲାରେ ଜାନୁଆରୀ ୫ରୁ ଖୋଲିବ ୧୦୫ରୁ ଅଧିକ ମଠ ଓ ମନ୍ଦିର
୬ଫୁଟର ସାମାଜିକ ଦୂରତା ଓ ମାସ୍କ ପିନ୍ଧି ନ ଥିଲେ ମନ୍ଦିର ଭିତରେ ପ୍ରବେଶକୁ ନା
ବାରିପଦା : ମୟୂରଭଞ୍ଜ ଜିଲ୍ଲାରେ ଜାନୁଆରୀ ୫ ଠାରୁ ଖୋଲିବ ୧୦୫ରୁ ଅଧିକ ମଠ ଓ ମନ୍ଦିର । କରୋନା କଟକଣା ଅନୁପାଳନ ପୂର୍ବକ ଜିଲ୍ଲାରେ ଥିବା ସମସ୍ତ ମଠ ଓ ମନ୍ଦିର ଖୋଲିବା ନିମନ୍ତେ ମୟୂରଭଞ୍ଜ ଜିଲ୍ଲା ପ୍ରଶାସନ ପକ୍ଷରୁ ଅନୁମତି ଦିଆଯାଇଛି । ଭକ୍ତମାନେ ପରସ୍ପର ମଧ୍ୟରେ ସର୍ବନିମ୍ନ ଦୂରତା ୬ ଫୁଟ ରକ୍ଷା କରିବା ସହିତ ମାସ୍କ ପିନ୍ଧିବାକୁ ବାଧ୍ୟତା ମୂଳକ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଯଦି କୌଣସି ଭକ୍ତ ଏହାକୁ ଅବମାନନା କରନ୍ତି ତେବେ ତାଙ୍କୁ ମନ୍ଦିର ଭିତରକୁ ପ୍ରବେଶ ନିମନ୍ତେ ଅନୁମତି ମିଳିବ ନାହିଁ ବୋଲି ଜିଲ୍ଲାପାଳ ବିନୀତ ଭରଦ୍ୱାଜ ସ୍ପଷ୍ଟ କରି ଦେଇଛନ୍ତି । ତେବେ କରୋନା ମହାମାରୀ ମୁକାବିଲା ନିମନ୍ତେ ଦୀର୍ଘ ୯ ମାସରୁ ଅଧିକ ସମୟ ଧରି ଭକ୍ତମାନଙ୍କ ନିମନ୍ତେ ମନ୍ଦିର ପ୍ରବେଶ ଉପରେ ଲଗାଯାଇଥିବା କଟକଣା ଶେଷରେ ସର୍ତ୍ତ ମୂଳକ ଭାବେ ହଟିଯାଇଛି । ଏହାକୁ ନେଇ ସେବାୟତ ଓ ଭକ୍ତମାନଙ୍କ ମଧ୍ୟରେ ଆନନ୍ଦ ଦେଖା ଦେଇଛି ।