ଆନନ୍ଦପୁର: ୨୦ ନମ୍ବର ଜାତୀୟ ରାଜପଥର ଘସିପୁରା ଥାନା ଶୈଲଙ୍ଗ ନିକଟରେ ଦୁର୍ଘଟଣା ପରେ ଜଣେ ବାଇକ୍ ଆରୋହୀ ଓଭରବ୍ରିଜରେ ଝୁଲି ରହିଥିଲେ। ଖବର ପାଇ ଘସିପୁରା ଅଗ୍ନିଶମ ବାହିନୀ ପହଞ୍ଚି ତାଙ୍କୁ ଉଦ୍ଧାର ଡାକ୍ତରଖାନା ଆଣିଥିଲେ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ଅନୁସାରେ, କେନ୍ଦ୍ରାପଡ଼ା ଜିଲ୍ଲା ରାଜକନିକା ଝାଡ଼ମାଳର ଅଶୋକ ନାୟକ (୨୫) ଏକ ବୁଲେଟ୍ ଗାଡ଼ିରେ କେନ୍ଦୁଝରରୁ ଯାଜପୁର ଆଡ଼କୁ ଯାଉଥିଲେ। ଦିନ ୧୨ଟାବେଳେ ଶୈଲଙ୍ଗ ଓଭରବ୍ରିଜ୍ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲେ। ସେ ରାସ୍ତାକଡ଼ ବାଡ଼ରେ ଧକ୍କା ହୋଇ ଓଭରବ୍ରିଜ୍ ତଳକୁ ଖସିବା ସମୟରେ ସୌଭାଗ୍ୟବଶତଃ ଝୁଲି ରହିଥିଲେ। ଅଗ୍ନିଶମ ବାହିନୀ ଓ ପୁଲିସ ପହଞ୍ଚି ତାଙ୍କୁ ଉଦ୍ଧାର କରି ପ୍ରଥମେ ଆନନ୍ଦପୁର ଉପଖଣ୍ଡ ଡାକ୍ତରଖାନା ନେଇଥିଲେ। ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ପଠାଯାଇଛି।