ପୋଖରୀରେ ବୁଡ଼ି ବୃଦ୍ଧ ମୃତ

ଦଶରଥପୁର: ମଙ୍ଗଳପୁର ଥାନା ଶୁଶୁଆ ପଞ୍ଚାୟତ ଦଳାଇସହିର ଦିବାକର ଦଳାଇ (୭୦)ଙ୍କ ପୋଖରୀରେ ବୁଡ଼ି ମୃତ୍ୟ ହୋଇଛି। ତାଙ୍କୁ ମଙ୍ଗଳପୁର ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରକୁ ନିଆଯାଇଥିଲେ ହେଁ ଡାକ୍ତର ସେଠାରେ ମୃତ ଘୋଷଣା କରିଥିଲେ। ଏନେଇ ଥାନାରେ ୭/୨୩ ରେ ଏକ ଅପମୃତ୍ୟ ମାମଲା ରୁଜୁ ହୋଇଛି।

ଯାଜପୁର ମୁଖ୍ୟ ଚିକିତ୍ସାଳୟରେ ଶବ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରାଯାଇଛି। ସୂଚନାଥାଉକି ଦିବାକର ଗତକାଲି ସନ୍ଧ୍ୟାରେ ଗାଁ ନିକଟ ପୋଖରୀକୁ ଯାଇଥିବାବେଳେ କୌଣସି କାରଣରୁ ପଡ଼ିଯାଇଥିଲେ। ବହୁ ସମୟ ଖୋଜାଖୋଜି ପରେ ମୃତଦେହ ମିଳିଥିଲା।