ଗଛ ପଡ଼ି ଘର ଭାଙ୍ଗିଲା

ପଣ୍ଡାପଡା:  ଗୋନାସିକା ପଞ୍ଚାୟତ ଅଧୀନ ଗୁପ୍ତଗଙ୍ଗା ଗ୍ରାମର ଦେବାନନ୍ଦ ଜୁଆଙ୍ଗଙ୍କ ଘର ଉପରେ ଏକ ଗଛ ପଡି  ଭାଙ୍ଗି ପଡିଛି । ଦେବାନନ୍ଦଙ୍କର ଦୁଇଟି ବଖରା ଘର। ଗୋଟିଏ ବଖରାରେ ସେ ଓ ତାଙ୍କ ପିଲାମାନେ ରହୁଥିବା ବେଳେ ଅନ୍ୟ ବଖରାରେ ତାଙ୍କ ଭାଇ ପବିତ୍ର ଜୁଆଙ୍ଗ ରୁହନ୍ତି। ଆଜି ମଧ୍ୟାହ୍ନ ୨ଟା ବେଳେ ପ୍ରବଳ ଝଡ଼ ତୋଫାନରେ ଏକ ଶିମୁଳି ଗଛ ମୂଳରୁ ଉପୁଡି ପଡ଼ିବାରୁ ଘରଟି ଭାଙ୍ଗି ପଡିଛି। ଘରର ଆସବାବପତ୍ର ଭାଙ୍ଗି ପଡିଛି । ଦେବାନନ୍ଦ ନିଜ ପରିବାରକୁ ନେଇ ରଜପର୍ବ ଅବସରରେ ଗତକାଲି ଠାରୁ ବନ୍ଧୁ ଘରକୁ ଯାଇଛନ୍ତି  ।

ଭାଇ ପବିତ୍ର ଗୋଟିଏ କୋଠରିରେ ଏକାକୀ ଥିଲେ ।  ଘଟଣାରେ କେହି ଆହତ ହୋଇ ନ ଥିବା ସମିତିସଭ୍ୟ କୃଷ୍ଣଚନ୍ଦ୍ର ଜୁଆଙ୍ଗ ସୂଚନା ଦେଇଛନ୍ତି। କ୍ଷତିଗ୍ରସ୍ତ ଗରିବ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ସାହିବାସୀ ଦାବି କରିଛନ୍ତି ।