ବଲାଙ୍ଗୀର: ଲୁଟ୍ ପଇସାରେ ପ୍ରେମିକାକୁ ସୁନା ହାର ଉପହାର ଦେଉଥିଲା ପ୍ରେମିକା। ସୁନା ଅଳଙ୍କାର ସହ ନଗଦ ଟଙ୍କା ଜବତ କରିଛି ବଲାଙ୍ଗୀର ସଦର ପୁଲିସ । ଏହି ଲୁଟେରା ଗ୍ୟାଙ୍ଗ ବିଭିନ୍ନ ସ୍ଥାନରୁ ଡ଼ିକି ତାଡ଼ି ଲୁଟ୍ କରିଥିବା ଅଭିଯୋଗ ହୋଇଛି । ଏହି ଲୁଟେରା ଗ୍ୟାଙ୍ଗର ମାଷ୍ଟରମାଇଣ୍ଡ ହେଉଛି ସୋନପୁର ସହରର ଦୟାସାଗର ଛତ୍ରିଆ ।
Sambad is now on WhatsApp
Join and get latest news updates delivered to you via WhatsApp
ଗତ ଜୁଲାଇ ୧୭ ତାରିଖର ଏକ ଲୁଟ୍ ଘଟଣାର ଖୋଳତାଡ଼ କରୁକରୁ ପୁଲିସ ହାତରେ ଲାଗିଥିଲା ଏହି ଲୁଟେରା ଗ୍ୟାଙ୍ଗ । ବଲାଙ୍ଗୀର ଓ ସୋନପୁର ଜିଲ୍ଲାର ବିଭିନ୍ନ ଅଞ୍ଚଳରେ ଡ଼ିକି ଭାଙ୍ଗି ଲୁଟ୍ କରୁଥିବା ଏମାନେ ସ୍ୱୀକାର କରିଛନ୍ତି । ୩ଜଣ ଲୁଟେରା ଗିରଫ ହୋଇଥିବା ବେଳେ ସେମାନଙ୍କ ଠାରୁ ୧ ଲକ୍ଷ ୯୦ ହଜାର ଟଙ୍କା ଏବଂ ସୁନା ଗହଣା ଜବତ ହୋଇଛି । ଏହା ସହ ବାଇକ, ମୋବାଇଲ, ସିମକାର୍ଡ଼ ମଧ୍ୟ ଜବତ କରିଛି ପୁଲିସ ।
ଡ଼ିକି ତାଡ଼ି ଲୁଟ୍ କରିବା ପାଇଁ ବ୍ୟବହାର କରୁଥିବା ଯନ୍ତ୍ରପାତି ମଧ୍ୟ ଲୁଟେରାଙ୍କ ଠାରୁ ଜବତ କରିଛି ପୁଲିସ । ୩ଜଣ ଲୁଟେରାଙ୍କୁ କୋର୍ଟ ଚାଲାଣ କରାଯାଇଛି । ଯାଞ୍ଚରୁ ଜଣାପଡ଼ିଛି ଦୟାସାଗର ଛତ୍ରିଆ ଲୁଟ୍ ପଇସାରେ ପ୍ରେମିକା ପାଇଁ ଦେଢ ଲକ୍ଷ ଟଙ୍କାର ସୁନା ଅଳଙ୍କାର କିଣି ଉପହାର ଦେଇଥିଲା । ଏହି ସୁନା ଅଳଙ୍କାରକୁ ବି ଜବତ କରିଛି ପୁଲିସ ।