ଦୁଇଟି ବାଇକ ଓ ୪୫ଟି କାଠ ପଟା ଜବତ କଲା ବନ ବିଭାଗ

ବୈପାରିଗୁଡା: ବୈପାରିଗୁଡା ବନ ବିଭାଗ ତରଫରୁ ପାଟ୍ରୋଲିଂ ଚାଲିଥିବା ବେଳେ ଦୁଇଟି ମୋଟର ସାଇକେଲ ସହ ଚୋରା କାଠ ଜବତ କରାଯାଇଥିବା ଜଣାପଡ଼ିଛି। ଜୟପୁର ବନଖଣ୍ଡ ଡିଏଫ୍ଓ ଏନ୍.ଏସ୍.ଜେ.ପି. ସିଂହଙ୍କ ନିର୍ଦ୍ଦେଶକ୍ରମେ ବୈପାରିଗୁଡା ବନ ବିଭାଗ ଏହି ଚଢ଼ଉ କରିଥିଲା। ବୈପାରିଗୁଡା ବନାଞ୍ଚଳ ଅନ୍ତର୍ଗତ ଅଦୁଆନଗୁଡା ଗ୍ରାମ ନିକଟରେ କାଠ ଚୋରାଚାଲାଣ କରାଯାଉଥିବା ନେଇ ବନବିଭାଗକୁ ସୂଚନା ମିଳିଥିଲା ଏହାପରେ ବନବିଭାଗ କର୍ମଚାରୀ ଉକ୍ତ ଜଙ୍ଗଲରେ ପେଟ୍ରୋଲିଂ କରୁଥିବା ବେଳେ ଦୂରରୁ ବନବିଭାଗ କର୍ମଚାରୀମାନଙ୍କୁ ଦେଖି କାଠ ଚୋରା ଚାଲାଣକାରୀମାନେ ବାଇକ ସହ କାଠ ସେଠାରେ ଛାଡ଼ି ଦେଇ ଦୌଡି ଚାଲିଯାଇଥିଲେ।

ପରେ ବନବିଭାଗ କର୍ମଚାରୀ ସେଠାରେ ପହଞ୍ଚି ଦୁଇଟି ମୋଟର ସାଇକେଲ (ଏପି ୩୧ ଏଟି ୭୭୯୩ ଏବଂ ଓଆର୍ ୧୦ ଏଚ୍ ୪୮୮୦) ସହ ୨୦ ଶାଗୁଆନ ଏବଂ ୨୫ ପିଆଶାଳ କାଠ ଜବତ କରିଛନ୍ତି। ଏହି ଚଢ଼ଉ ବେଳେ ବୈପାରିଗୁଡା ବନାଞ୍ଚଳ ଫରେଷ୍ଟର ସଚ୍ଚିଦାନନ୍ଦ ପରିଡ଼ା ଏବଂ ରବିନ୍ଦ୍ର କୁମାର ପ୍ରଧାନଙ୍କ ସହ ପାରା କର୍ମଚାରୀମାନେ ଉପସ୍ଥିତ ଥିଲେ।