ଖୋର୍ଦ୍ଧା: ୩୮ ସଂକ୍ରମିତ, ୮୧ ସୁସ୍ଥ
ଖୋର୍ଦ୍ଧା: ଖୋର୍ଦ୍ଧା ଗ୍ରାମାଂଚଳରେ ଆଜି ୩୮ଜଣ କୋଭିଡ ଭୂତାଣୁ ଦ୍ୱାରା ସଂକ୍ରମିତ ହୋଇଥିବା ବେଳେ ୮୧ଜଣ ସୁସ୍ଥ ହୋଇଛନ୍ତି। ଜିଲ୍ଲା ଜରୁରୀକାଳୀନ ବିଭାଗ ପକ୍ଷରୁ ମିଳିଥିବା ସୂଚନାନୁସାରେ, ଆଜି ୨୪୨୧ଟି ରାପିଡ଼୍ ଆଣ୍ଟିଜେନ୍ ଓ ୮୮୦ଟି ଆର୍ଟି-ପିସିଆର୍ ପରୀକ୍ଷଣ ହୋଇଥିଲା। ମୋଟ ୩୩୦୧ଟି ସ୍ୱାବ ପରୀକ୍ଷଣରୁ ୩୮ ଜଣଙ୍କ ଠାରେ କୋଭିଡ୍ ପଜିଟିଭ୍ ଚିହ୍ନଟ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସଂକ୍ରମିତଙ୍କ ମଧ୍ୟରୁ ବାଲିଅନ୍ତାରୁ ୨, ବାଲିପାଟଣାରୁ ୩, ଭୁବନେଶ୍ୱର ବ୍ଲକରୁ ୮, ଜଟଣୀରୁ ୮, ଖୋର୍ଦ୍ଧା ବ୍ଲକ ଓ ପୌରାଂଚଳରୁ ୬, ବେଗୁନିଆରୁ ୨, ବୋଲଗଡ଼ରୁ ୧, ଟାଙ୍ଗୀରୁ ୫, ଚିଲିକା-ବାଲୁଗାଁରୁ ୩ଜଣ ସଂକ୍ରମିତ ହୋଇଥିବା ବେଳେ ବାଣପୁରରୁ ଆଜି କୌଣସି ସଂକ୍ରମିତଙ୍କୁ ଚିହ୍ନଟ କରାଯାଇନାହିଁ। ଅପରପକ୍ଷରେ ଚିକିତ୍ସାଧୀନଙ୍କ ମଧ୍ୟରୁ ୮୧ଜଣ ସୁସ୍ଥ ହୋଇଥିବା ବେଳେ ମୋଟ ସକ୍ରିୟ ସଂକ୍ରମିତଙ୍କ ସଂଖ୍ୟା ୩୩୮ ହୋଇଛି।