ଏହା ମୋର ଶେଷ ନିର୍ବାଚନ,ସେବା ପାଇଁ ଶେଷ ଥର ସୁଯୋଗ ଦିଅନ୍ତୁ: ଭାବବିହ୍ୱଳ ନିବେଦନ କଲେ ରାଜା ସ୍ୱାଇଁ

ଆଠଗଡ: ନିର୍ବାଚନ ପ୍ରଚାର ବେଳେ ରାଜା ସ୍ୱାଇଁ ଭାବବିହ୍ୱଳ ନିବେଦନ କରିଛନ୍ତି। ସେ କହିଛନ୍ତି ଏହା ମୋର ଶେଷ ନିର୍ବାଚନ ଲଢେଇ । ସେବା ପାଇଁ ତାଙ୍କୁ ଶେଷ ଥର ସୁଯୋଗ ଦେବାକୁ ସେ ଅପିଲ କରିଛନ୍ତି।

ସଭାମଞ୍ଚରେ ଆଠଗଡବାସୀଙ୍କୁ ମନଖୋଲି ହୃଦୟର କଥା ବିଜେଡି ବିଧାୟକ ପ୍ରାର୍ଥୀ ରାଜା ସ୍ୱାଇଁ କହିଛନ୍ତି । ସଭାକୁ ସମ୍ବୋଧିତ କରି କହିଛନ୍ତି ଆଠଗଡରୁ ଦୀର୍ଘ ସମୟ ହେଲା ଲଗାତାର ବିଧାୟକ ରହିଆସିଛି ।

ଏଇଟା ମୋର ଶେଷ ନିର୍ବାଚନ ଲଢେଇ, ତେଣୁ ଆଠଗଡବାସୀଙ୍କ ସେବା କରିବା ପାଇଁ ଶେଷ ଥର ସୁଯୋଗ ଦିଅନ୍ତୁ। ସଭାରେ ଉପସ୍ଥିତ ଫାଇଭ-ଟି ଅଧ୍ୟକ୍ଷ ଭିକେ ପାଣ୍ଡିଆନ ମଧ୍ୟ ରାଜାଙ୍କର ଏଥର ଶେଷ ଲଢେଇ, ତେଣୁ ବିପୁଳ ଭୋଟ ଦେଇ ବିଜୟୀ କରିବାକୁ ଭୋଟରଙ୍କୁ ନିବେଦନ କରିଛନ୍ତି ।