ଆକ୍ରମଣ କରି ଲୁଟ୍ ମାମଲାରେ ୩ ଗିରଫ
ବାଲେଶ୍ବର: ସହଦେବଖୁଣ୍ଟା ଥାନା ଅଞ୍ଚଳରେ ଘଟିଥିବା ଦୁଇଟି ଲୁଟ୍ ଏବଂ ଆକ୍ରମଣ ଘଟଣାରେ ଆଜି ୩ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରାଯାଇଛି। ଗିରଫ ଅଭିଯୁକ୍ତମାନେ ହେଲେ ବଡ଼ନୂଆପୁର ଅଞ୍ଚଳର ଉଦୟ ପରିଡ଼ା, ଆକାଶ ଲେଙ୍କା ଏବଂ ଗୌରାଙ୍ଗ ନାୟକ।
Sambad is now on WhatsApp
Join and get latest news updates delivered to you via WhatsApp
ଗତ ୧୩ ତାରିଖ ଅପରାହ୍ଣ ୪ଟା ବେଳେ ଅନନ୍ତ କୁମାର ବେହେରା ନାମକ ବ୍ୟକ୍ତି ଏକ ମାଛଗାଡ଼ି(ଡବ୍ଲୁ-୩୩ଡି-୭୭୩୯)ରେ ଫୁଲାଡ଼ି ଦେଇ ବାଲେଶ୍ବର ଆଡ଼କୁ ଆସୁଥିବା ବେଳେ କସିମିଳା ନଈ ପାଖରେ ସମ୍ପୃକ୍ତ ୩ ଜଣ ଯୁବକ ଏକ ହୋଣ୍ଡା ସାଇନ୍ ବାଇକ୍ରେ ଆସି ତେଲେଙ୍ଗା କଟୁରି ଏବଂ ବନ୍ଧୁକ ଦେଖାଇ ତାଙ୍କୁ ଅଟକାଇବା ସହ ଆକ୍ରମଣ କରି ଫେରାର ହୋଇଯାଇଛି। ଏହା ପୂର୍ବରୁ ମଧ୍ୟ ୩ ତାରିଖ ଦିନ ୪ଟା ବେଳେ ଶ୍ରୀନିକ୍ସ କଲେଜ ନିକଟରେ ସମ୍ପୃକ୍ତ ଅଭିଯୁକ୍ତମାନେ ଜଣେ ବ୍ୟକ୍ତିଙ୍କୁ ମାରଣାସ୍ତ୍ରରେ ଆକ୍ରମଣ କରି ତାଙ୍କଠାରୁ ୧୨ହଜାର ଟଙ୍କା, ପାନକାର୍ଡ, ଆଧାର କାର୍ଡ, ଭି-କାର୍ଡ ଏବଂ ମୋବାଇଲ ଛଡ଼ାଇ ନେଇଥିଲେ। ସେହିପରି ୧୩ ତାରିଖ ସକାଳ ସାଢ଼େ ୭ଟାରେ ବନ୍ଧନ ବ୍ୟାଙ୍କର ଜଣେ ମହିଳା କର୍ମଚାରୀଙ୍କୁ ବଡ଼ନୂଆପୋଖରୀ ଠାରେ ୨ ଜଣ ଯୁବକ ମାରଣାସ୍ତ୍ର ଦେଖାଇ ତାଙ୍କର ଗୁରୁତ୍ବପୂର୍ଣ୍ଣ କାଗଜପତ୍ର ସହ ମନିପର୍ସ ଛଡ଼ାଇନେଇଥିଲେ। ଉଭୟ ଘଟଣାକୁ ନେଇ ସହଦେବଖୁଣ୍ଟା ଥାନାରେ ୨୧୯/୨୧ ଏବଂ ୨୨୧/୨୧ ନମ୍ବରେ ଦୁଇଟି ମାମଲା ରୁଜୁ ହୋଇ ସମ୍ପୃକ୍ତ ୩ ଅଭିଯୁକ୍ତଙ୍କୁ ଗିରଫ କରାଯାଇ ଆଜି କୋର୍ଟ ଚାଲାଣ କରାଯାଇଥିବା ଜଣାଯାଇଛି।