ଏସ୍ବିଆଇ ଲୁଟ୍ ମାମଲା: ୩ ଗିରଫ
କୁଆରମୁଣ୍ଡା: ସୁନ୍ଦରଗଡ଼ ଜିଲ୍ଲା କୁଆରମୁଣ୍ଡା ଫାଣ୍ଡି ଅନ୍ତର୍ଗତ ଡୁମେରଯୋର ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ ଶାଖାରୁ ଗତ ୧୩ ତାରିଖ ଅପରହ୍ଣ ସାଢ଼େ ତିନିଟା ସମୟରେ ୯ ଜଣ ସଶସ୍ତ୍ର ଡକାୟତ ବ୍ୟାଙ୍କରେ ପଶି ଶାଖା ପରିଚାଳକଙ୍କୁ ଭୂଜାଲିରେ ଆକ୍ରମଣ କରି କାଉଁଟର ଓ ଲକରରୁ ୫ ଲକ୍ଷ ୯୦ ହଜାର ୪୦ ଟଙ୍କା ଲୁଟି ନେଇଥିଲେ।
Sambad is now on WhatsApp
Join and get latest news updates delivered to you via WhatsApp
ସୁନ୍ଦରଗଡ଼ ଏସ୍ପି ସାଗରିକା ନାଥଙ୍କ ନିର୍ଦେଶକ୍ରମେ ବୀରମିତ୍ରପୁର ଏସ୍ଡିପିଓ ଯଶୋବନ୍ତ ସାମଲ , ବୀରମିତ୍ରପୁର ଏସ୍ଆଇ ଦୀପ୍ତିରଞ୍ଜନ ସାହୁ, କୁଆରମୁଣ୍ଡା ଫାଣ୍ଡି ଅଧିକାରୀ ଶ୍ୟାମଲାଲ ଓରାମ କୁତ୍ରା ଥାନାର ରାଇକାକଚ୍ଛାର ଗ୍ରାମରେ ଚଢ଼ଉ କରି ବିଜୟ ଲାକ୍ରା(୧୮)କୁ ଗିରଫ କରିଥିଲେ। ତା ସୂଚନାନୁଯାୟୀ ସମ୍ବଲପୁର ଜିଲ୍ଲାର ଗୋବିନ୍ଦପୁର ଗ୍ରାମରୁ ଗୋବିନ୍ଦ ଟପ୍ପୋ(୨୧) ଓ ଫଟାଟାଙ୍ଗର ଗ୍ରାମରୁ ସୁନା ମାଝୀ(୨୩)କୁ ଗିରଫ କରିବାରେ ସକ୍ଷମ ହୋଇଥିଲେ। ଅଭିଯୁକ୍ତଙ୍କ ଠାରୁ ଓଡ଼ି ୧୬ଜି ୪୪୨୯ ଓ ଓଡ଼ି ୧୪ଏମ୍ ୦୫୬୨ ଦୁଇଟି ବାଇକ୍ ସହ ୬ ହଜାର ଟଙ୍କାର କଏନ୍ ପ୍ୟାକେଟ୍ ଜବତ କରିଥିବା ପୁଲିସ ସୂତ୍ରରୁ ପ୍ରକାଶ। ଆଜି ଅଭିଯୁକ୍ତ ୩ ଜଣଙ୍କୁ କୋର୍ଟ ଚାଲାଣ କରାଯାଇଛି। ଅନ୍ୟ ୬ ଅଭିଯୁକ୍ତଙ୍କୁ ଖୁବ୍ଶୀଘ୍ର ଧରାଯିବ ବୋଲି ପୁଲିସ ସୂଚନା ଦେଇଛି।