ଡକାୟତି ଉଦ୍ୟମ ପଣ୍ଡ: ୩ ଡକାୟତ ଗିରଫ୍, ୩ ଫେରାର
ଭବାନୀପାଟଣା: କଳାହାଣ୍ଡି ଜିଲ୍ଲା ଲାଞ୍ଜିଗଡ ଥାନା ଅନ୍ତର୍ଗତ ଲାଞ୍ଜିଗଡ ଠାରୁ ବେନଙ୍ଗା ଯିବା ରାସ୍ତାର ଭଟ୍ଟାଝରି ନିକଟସ୍ଥ କାଣ୍ଡଗୁଡା ଠାରେ ଗତ ୧୮ ତାରିଖ ସନ୍ଧ୍ୟାରେ କିଛିଲୋକ ଡକାୟତି ଉଦ୍ୟମ ବେଳେ ଲାଞ୍ଜିଗଡ ପୁଲିସ ଘଟଣାସ୍ଥଳକୁ ଯାଇ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି। ଅଭିଯୁକ୍ତମାନେ ହେଲେ ବିଜେପୁର ପଞ୍ଚାୟତ ସୁନାଖଡିକା ଗ୍ରାମର ରାଜେନ୍ଦ୍ର ନାଏକ, ଲାଖବାହିଲି ପଞ୍ଚାୟତର ଅର୍ଜୁନ ହରିଜନ ଓ ରାୟଗଡା ଜିଲ୍ଲା କାଶୀପୁର ବ୍ଲକର କାଞ୍ଜିମମାଣ୍ଡି ଗ୍ରାମର ବାଳି ମାଝୀ।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ପ୍ରକାଶ ଯେ ଲାଞ୍ଜିଗଡ ଥାନା ଅନ୍ତର୍ଗତ ଲାଞ୍ଜିଗଡ ଠାରୁ ବେନଙ୍ଗା ଯିବା ରାସ୍ତାର ଭଟ୍ଟାଝରି ନିକଟସ୍ଥ କାଣ୍ଡଗୁଡା ଠାରେ ଗତ ୧୮ ତାରିଖ ସନ୍ଧ୍ୟାରେ ୬ ଜଣ ଯୁବକ ଡକାୟତି ଉଦ୍ୟମର କରୁଥିଲେ। ଲାଞ୍ଜିଗଡ଼ ପୁଲିସଖବର ପାଇ ଘଟଣା ସ୍ଥଳକୁ ଯିବା ବେଳେ ପା ୟ ୬ ଜଣଙ୍କ ମଧ୍ୟରୁ ୩ ଜଣ ଘଟଣାସ୍ଥଳରୁ ଖସି ଯାଇଥିଲେ।
ପୁଲିସ ଅଭିଯୁକ୍ତମାନଙ୍କ ଠାରୁ ଭୁଜାଲି, ଲଙ୍କାଗୁଣ, ଲୁହାରଡ଼ ଓ ଛୁରୀ ଇତ୍ୟାଦି ଜବତ କରିଛି। ୩ ଜଣଙ୍କ ପାଖରୁ ଭୋଟର କାଡ଼, ଆଧାର କାର୍ଡ ଆଦି ନାମ ବଦଳାଇ ତିନିଟି ଲେଖାଏଁ ଥିବା ଜଣା ପଡ଼ିଛି। ପୁଲିସ ମାମଲା ରୁଜୁ କରି ୩ ଜଣଙ୍କୁ କୋର୍ଟ ଚାଲାଣ କରିବା ସହ ଘଟଣାର ତଦନ୍ତ କରୁ ଥାନା ଅଧିକାରୀ ସତ୍ୟାନନ୍ଦ ପାତ୍ର ପ୍ରକାଶ କରିଛନ୍ତି।