ରାୟଗଡ଼ା: ଗୁଣପୁର ନିକଟ ଓକିଲଗୁଡ଼ା ଗାଁରେ ଥିବା ପଥର ଖଣିରେ ବିସ୍ଫୋରଣ ଘଟଣାରେ ପୁଲିସ ପୁଣି ୩ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ରାୟଗଡ଼ା ଜିଲ୍ଲା ଗୁଣପୁର ଥାନା ଅନ୍ତର୍ଗତ ସୌରା ପ୍ରଧାନୀଗୁଡ଼ା ଗାଁର ଘାସି ଯୋଗୀଙ୍କ ପୁଅ ପ୍ରତାପ ଯୋଗୀ (୩୮), ପ୍ରଦୀପ ଯୋଗୀ (୩୪) ଓ ସ୍ୱର୍ଗତ ରାମଚନ୍ଦ୍ର ଯୋଗୀଙ୍କ ପୁଅ ଘାସି ଯୋଗୀ (୬୨)। ପୁଲିସ ପୂର୍ବରୁ ସଂଜୟ ଗମାଙ୍ଗୋଙ୍କ ପୁଅ ହରିଶ୍ଚନ୍ଦ୍ର ଗମାଙ୍ଗୋଙ୍କୁ ଗିରଫ କରିଥିଲା।
Sambad is now on WhatsApp
Join and get latest news updates delivered to you via WhatsApp
ପୁଲିସ ଗିରଫ ଅଭିଯୁକ୍ତମାନଙ୍କ ଠାରୁ ବିସ୍ଫୋରକ ସାମଗ୍ରୀ ଯଥା- ଇଲେକଟ୍ରୋନିକ୍ ଡିଟୋନେଟର, ଜିଲୋଟିନ୍, ତାର, ଟ୍ରାକ୍ଟରେ ବ୍ୟବହୃତ କମ୍ପେସର, ଡ୍ରିଲିଂ ପାଇଁ ବ୍ୟବହୃତ ପାଇପ, ଟ୍ରିପର (ଓଡି-୧୮-ଜି-୩୮୮୪) ଓ ଟ୍ରପିର (ଓଡି-୧୮-୬୯୭୫), ଟାଟା ହିଟାଚି ମେସିନ, ହୁଣ୍ଡାଇ କ୍ରେଟା (ଓଡି-୦୨-ବିବି-୬୫୬୬) ଆଦି ଜବତ କରିଛି।
ସୂଚନାଯୋଗ୍ୟ ଗତ ୧୬ ତାରିଖ ଅପରହ୍ନରେ ଓକିଲଗୁଡ଼ା ଗାଁରେ ଥିବା ପଥର ଖଣି ବିସ୍ଫୋରଣ ସମୟରେ ୩ ଜଣ ଶ୍ରମିକଙ୍କ ମୃତ୍ୟୁ ହୋଇଥିଲା। ସେହିପରି ଏହି ଘଟଣାରେ ୯ ଜଣ ଗୁରୁତର ଆହତ ହୋଇଥିଲେ। ମୃତକମାନେ ହେଲେ ରାୟଗଡ଼ା ଜିଲ୍ଲା ପୁଟାସିଂହ ଥାନା ଅନ୍ତର୍ଗତ ଲୁଙ୍ଗୁରୁଟାଲ ଗାଁର ମାଲାକୁ ସବରଙ୍କ ସ୍ତ୍ରୀ କୁଶବତୀ ସବର (୪୦), ଯୀଶୁ ସବରଙ୍କ ପୁଅ ଯମେଶ ସବର ଓ ଗୁଣପୁର ଥାନା ଅନ୍ତର୍ଗତ ମେରିଂ ଗାଁର ଚୁୁଚୁଙ୍ଗ ସବରଙ୍କ ପୁଅ ଦୁଦି ସବର (୩୫)।